काश्मीरमध्ये हिंदू-शिखांवर हल्ला करणाऱ्या ४ दहशतवाद्यांना कंठस्नान, ७ जण तुरुंगात; आता परिस्थिती कशी? सरकारने संसदेत दिली माहिती । 4 terrorists who attacked Hindu-Sikhs in Kashmir were put to death, 7 behind bars; Government told in Parliament what is the situation

काश्मीरमध्ये हिंदू-शिखांवर हल्ला करणाऱ्या ४ दहशतवाद्यांना कंठस्नान, ७ जण तुरुंगात; आता परिस्थिती कशी? सरकारने संसदेत दिली माहिती

4 terrorists who attacked Hindu-Sikhs in Kashmir were put to death, 7 behind bars; Government told in Parliament what is the situation

terrorists : पाक पुरस्कृत दहशतवाद्यांनी जम्मू-काश्मीरमधील धार्मिक अल्पसंख्याकांवर (हिंदू-शीख) काही हल्ले केले आहेत आणि त्यात सहभागी चार दहशतवादी मारले गेले आहेत. केंद्रीय गृह राज्यमंत्री नित्यानंद राय यांनी बुधवारी संसदेत ही माहिती दिली. 4 terrorists who attacked Hindu-Sikhs in Kashmir were put to death, 7 behind bars; Government told in Parliament what is the situation

वृत्तसंस्था

नवी दिल्ली : पाक पुरस्कृत दहशतवाद्यांनी जम्मू-काश्मीरमधील धार्मिक अल्पसंख्याकांवर (हिंदू-शीख) काही हल्ले केले आहेत आणि त्यात सहभागी चार दहशतवादी मारले गेले आहेत. केंद्रीय गृह राज्यमंत्री नित्यानंद राय यांनी बुधवारी संसदेत ही माहिती दिली.

राज्यसभेत एका प्रश्नाच्या लेखी उत्तरात, गृह राज्यमंत्र्यांनी सांगितले की, काश्मीरमध्ये दहशतवादी घटनांमध्ये घट झाली आहे, जिथे 2018 मध्ये 417 घटना घडल्या, तर या वर्षी 30 नोव्हेंबरपर्यंत 203 घटना घडल्या आहेत. ते म्हणाले की, जम्मू-काश्मीरमधील कायदा आणि सुव्यवस्थेत सुधारणा झाली आहे. “तथापि, धार्मिक अल्पसंख्याक समुदायातील लोकांना लक्ष्य करून सीमेपलीकडून प्रायोजित दहशतवाद्यांनी काही हल्ले केले आहेत.”

मंत्री म्हणाले, “धार्मिक अल्पसंख्याकांवर झालेल्या हल्ल्याप्रकरणी 7 जणांना अटक करण्यात आली आहे, तर या घटनांमध्ये सहभागी असलेले 4 दहशतवादी मारले गेले आहेत. एका फरारीसह 7 आरोपींविरुद्ध आरोपपत्र दाखल करण्यात आले आहे.” राय म्हणाले की, दहशतवादी हल्ले रोखण्यासाठी मजबूत सुरक्षा आणि गुप्तचर यंत्रणा कार्यरत आहे. याशिवाय दिवस-रात्र पाळत ठेवणे, गस्त घालणे आदी दहशतवाद्यांविरोधात मोहिमा सक्रियपणे राबवल्या जात आहेत.

मंत्र्यांनी असेही सांगितले की, नाक्यांवर चोवीस तास तपासणी केली जात आहे आणि दहशतवादी हल्ले रोखण्यासाठी महत्त्वाच्या ठिकाणी रोड ओपनिंग पार्टी तैनात करण्यात आल्या आहेत. दहशतवादाशी संबंधित प्रकरणांचा जलद आणि प्रभावी तपास आणि खटला चालवण्यासाठी जम्मू-काश्मीर सरकारने राज्य तपास यंत्रणा (एसआयए) स्थापन केली आहे, असेही राय म्हणाले. राष्ट्रीय तपास संस्था (NIA) आणि इतर केंद्रीय संस्थांशी समन्वय साधण्यासाठी SIA ही नोडल एजन्सी असेल, असेही ते म्हणाले.

4 terrorists who attacked Hindu-Sikhs in Kashmir were put to death, 7 behind bars; Government told in Parliament what is the situation