ऐन कोरोनात शेतकरी आंदोलकांचा देशव्यापी निषेध कार्यक्रम; आंदोलनास बारा विरोधी पक्षांचा पाठिंबा।12 opposition parties gave support to kissan morcha

ऐन कोरोनात शेतकरी आंदोलकांचा देशव्यापी निषेध कार्यक्रम; आंदोलनास बारा विरोधी पक्षांचा पाठिंबा

विशेष प्रतिनिधी

नवी दिल्ली : किसान मोर्चाने येत्या २६ तारखेला जाहीर केलेल्या देशव्यापी निषेध दिनाला काँग्रेससह देशातील १२ प्रमुख विरोधी पक्षांनी पाठिंबा दर्शविला आहे. त्यादिवशी शेतकरी आंदोलनाला सहा महिने तसेच नरेंद्र मोदी सरकारला सात वर्षे पूर्ण होत आहेत. 12 opposition parties gave support to kissan morcha

केंद्राच्या तीन कृषी कायद्यांच्या विरोधात शेतकऱ्यांनी आंदोलन छेडले आहे. तृणमूल काँग्रेस, डावे पक्ष, समाजवादी पक्ष, राष्ट्रवादी काँग्रेस, द्रमुक या पक्षांनी देशव्यापी निदर्शनांना पाठिंबा दर्शविला आहे.

Farmers Protest : संयुक्त किसान मोर्चाचे पंतप्रधान मोदींना पत्र, पुन्हा चर्चा सुरू करण्याचे आवाहन

या बाबत सोनिया गांधी, माजी पंतप्रधान एच. डी. देवेगौडा, शरद पवार या ज्येष्ठ नेत्यांसह ममता बॅनर्जी, उद्धव ठाकरे, एम. के. स्टॅलीन आणि हेमंत सोरेन या मुख्यमंत्र्यांनी संयुक्त निवेदन जारी केले. केंद्राने हटवादी भूमिका सोडावी आणि शेतकऱ्यांबरोबर तातडीने चर्चा सुरु करून कायदे मागे घ्यावेत, असे त्यात म्हटले आहे.

शेतकऱ्यांचे आंदोलन शांततापूर्ण असून त्यास एकमुखी पाठिंबा असल्याचेही नमूद करण्यात आले. १२ मे रोजी पंतप्रधानांना याबाबत निवेदन देण्यात आले होते, असेही सांगण्यात आले.