Lebanon : लेबनॉनमध्ये पेजर स्फोटात 11 ठार, 4000 जखमी; हिजबुल्लाह सदस्य लक्ष्य, इराणचे राजदूतही जखमी

By, Pravin Pawar - September 18, 2024 04:00:16

0

वृत्तसंस्था

बैरुत : मंगळवारी दुपारी लेबनॉनमधील ( Lebanon ) हिजबुल्लाह सदस्यांच्या पेजर्सवर (संप्रेषण साधने) अनेक मालिका स्फोट झाले. मीडिया रिपोर्ट्सनुसार या स्फोटात 11 जणांचा मृत्यू झाला आहे. मृतांमध्ये हिजबुल्लाचे 8 सदस्य आणि 1 मुलीचाही समावेश आहे.

या हल्ल्यात 4 हजारांहून अधिक जखमी झाले असून त्यापैकी 400 जणांची प्रकृती चिंताजनक आहे. जखमींमध्ये इराणच्या लेबनॉनमधील राजदूताचाही समावेश आहे. या घटनेमागे इस्रायलचा हात असल्याचा दावा केला जात आहे. हिजबुल्लाहनेही या हल्ल्यासाठी ‘शत्रू’ इस्रायल जबाबदार असल्याचे म्हटले आहे.

इस्रायलने याबाबत अद्याप कोणतेही वक्तव्य केलेले नाही. मीडिया रिपोर्ट्सनुसार, पेजर हॅक करून ब्लास्ट करण्यात आले आहेत.

Health System : आरोग्य यंत्रणेचे जाळे अधिक घट्ट करण्यावर शासनाचा भर – मुख्यमंत्री एकनाथ शिंदे

पेजर हे एक वायरलेस उपकरण आहे जे संदेश पाठवण्यासाठी आणि प्राप्त करण्यासाठी वापरले जाते. हे सहसा लहान स्क्रीन आणि मर्यादित कीपॅडसह येते. त्याच्या मदतीने मेसेज किंवा अलर्ट पटकन मिळू शकतात.

स्फोटात इराणचे राजदूतही जखमी झाले

लेबनीज वेबसाइट नहारनेटनुसार, पेजर स्फोटात इराणचे राजदूत मोजतबा अमानी हे देखील जखमी झाले आहेत. मात्र, त्यांना गंभीर दुखापत झाली नाही. अरब मीडियाच्या वृत्तानुसार, या मालिकेतील बॉम्बस्फोटांमध्ये एक हजारहून अधिक हिजबुल्लाह सदस्यांना लक्ष्य करण्यात आले आहे. बहुतांश लोकांच्या हाताला दुखापत झाली आहे.

लेबनॉन पेजर हल्ल्यात हिजबुल्ला खासदाराच्या मुलाचाही मृत्यू झाला आहे. हिजबुल्लाच्या एका अधिकाऱ्याने रॉयटर्सला सांगितले की, दोन वरिष्ठ अधिकाऱ्यांचे मुलगेही जखमी झाले आहेत.

हिजबुल्लाहचा प्रमुख हसन नसरल्लाह देखील जखमी झाल्याचा दावा करत होते, मात्र हिजबुल्लाने याचा इन्कार केला आहे. हिजबुल्लाहच्या एका अधिकाऱ्याने रॉयटर्सशी बोलताना सांगितले की, या हल्ल्यात नसराल्लाहला कोणतीही हानी झाली नाही.

हिजबुल्लाने आपल्या सदस्यांना पेजर दिले होते

वृत्तानुसार, स्फोट झालेले पेजर नुकतेच हिजबुल्लाहने त्याच्या सदस्यांना वापरण्यासाठी दिले होते. गाझा युद्ध सुरू झाल्यानंतर हिजबुल्लाहने आपल्या सदस्यांना मोबाईल फोन वापरण्यास मनाई केली होती. इस्रायलचा कोणताही संभाव्य हल्ला टाळण्यासाठी हा सल्ला देण्यात आला होता.

जुलैमध्ये, हिजबुल्लाचा नेता हसन नसराल्लाहने लोकांना मोबाइल डिव्हाइस आणि सीसीटीव्ही वापरणे थांबवण्यास सांगितले कारण त्यांना भीती होती की इस्त्रायली एजन्सी त्यांना हॅक करू शकते.