धर्मांतर रोखण्यासाठी विहिंपचा पुढाकार; ३१ डिसेंबरपर्यंत धर्म रक्षा अभियान सुरु

By, Sachin Deshmukh - December 18, 2021 04:34:58

0

विशेष प्रतिनिधी

मुंबई : देशात हिंदूंचे होणारे धर्मांतर रोखण्यासाठी विश्व हिंदू परिषदेने पुढाकार घेतला आहे. त्यासाठी २० ते ३१ डिसेंबरपर्यंत धर्म रक्षा अभियान राबविण्यात येणार आहे. अशी माहिती विश्व हिंदू परिषदेचे महामंत्री मिलिंद परांडे यांनी दिली. ते मुंबई मराठी पत्रकार संघात आयोजित पत्रकार परिषदेत बोलत होते.VHP’s initiative to prevent conversion; Dharma Raksha Abhiyan started till 31st December

स्वामी श्रद्धानंद यांनी धर्मांतर झालेल्यांना पुन्हा धर्मात घेण्याची मोहीम राबविली होती. त्यासाठी त्यांनी २३ डिसेंबरला बलिदान दिले होते. तेव्हापासून धर्म रक्षा दिवस देशात साजरा केला जातो. या दिवसानिमित विहिंपतर्फे धर्म रक्षा अभियान राबविण्यात येत आहे.

मिशनरी व मुल्ला मौलवीद्वारे व्यापक अवैध धर्मांतरण तथा आक्रामक षडयंत्रांमुळे विश्व हिंदू परिषदने ३१ डिसेंबरपर्यंत संपूर्ण देशात धर्म रक्षा अभियान व्यापक रूपाने साजरा केला जाईल.अभियानाअंतर्गत अवैध धर्मांतरणाच्या षडयंत्रांना उघड करण्यासाठी साहित्य वितरण, जनसभा ,सोशल मीडिया आदी माध्यमांद्वारे जनजागरण करण्यात येईल. ज्यामुळे हिंदू समाज ह्यांच्या हिंदू विरोधी तथा राष्ट्र विरोधी कृत्याना समजून त्याना रोखण्यासाठी प्रयत्न करतील.

कर्नाटक सरकार धर्मांतरण रोखण्यासाठी करणार कडक कायदा, बळजबरीने धर्मांतर करणाऱ्यांना १० वर्षे शिक्षेचा प्रस्ताव

कोरोना काळात संपूर्ण देश कोरोनाशी झुंज देत असताना आणि बहुतांश सामाजिक-धार्मिक संस्था सेवा कार्यात गुंतल्या असताना, धर्मांतरणाचे काम मुस्लिम आणि पाद्री धर्मगुरू आक्रमकपणे करत होते. आता त्यांचे सर्व कारस्थान समोर येऊ लागले. चर्च चंगाई सभा सारख्या कारस्थानांद्वारे चर्च उघडपणे बेकायदेशीर धर्मांतरण करत आहे.

निष्पाप वनवासी, गिरीवासी आणि मागासलेल्या वस्तीतील रहिवाशांना विशेष लक्ष्य केले जात आहे. कोरोनाच्या काळात जितकी चर्च उघडली गेली तितकी गेल्या २५ वर्षांत उघडली गेली नसल्याचं खुद्द मिशनरीच मान्य करत आहेत. दुसरीकडे, लव्ह जिहादने पीडित हिंदू महिलांवर अत्याचार किंवा त्यांची हत्या करण्याच्या सुनियोजित कटाच्या बातम्या दररोज येत आहेत.

यातून वाढती इस्लामी आक्रमकता स्पष्टपणे दिसून येत आहे. खाद्यपदार्थांवर थुंकण्याच्या बातम्यांमधून किंवा इतर मार्गांनी हिंदूंबद्दलचा द्वेष प्रकट होत आहे. भारताची फाळणी, कोट्यवधी हिंदूंचे कत्तल, बेकायदेशीर धर्मांतरामुळे होणारे दहशतवाद आणि दंगली या वेदनांनी ग्रासलेला हिंदू समाज आता ही नवी परिस्थिती कोणत्याही परिस्थितीत स्वीकारू शकत नाही.

अनुसूचित जातीच्या विकासासाठी घटनेत काही सुविधा देण्यात आल्या आहेत, ज्या धर्मांतरानंतर नैसर्गिकरित्या संपतात. परंतु अनुसूचित जमातीच्या धर्मांतरानंतर त्यांचे विशेषाधिकार जैसे थेच राहतात, याची जाणीव सर्वांनाच आहे. मिशनरी या घटनात्मक चुकांचा फायदा घेतात. आदिवासींच्या त्यांच्या धर्मावरील अतूट श्रद्धेचाच हा परिणाम आहे की, गेली अडीचशे वर्षे हजारो धर्मप्रचारकांचे अखंड कारस्थान आणि अब्जावधी डॉलर्स खर्च करूनही ते केवळ १८% वनवासींचे धर्मांतर करू शकले.

तर अमेरिका, दक्षिण अमेरिकन देश, ऑस्ट्रेलिया, न्यूझीलंड इत्यादी देशांत त्यांच्या कारस्थानामुळे जवळपास 100% लोक धर्मांतरित झाले किंवा संपवले गेले. अलीकडे भारतातील जमातींमध्ये भेदभाव निर्माण करून बेकायदेशीर धर्मांतर करण्याचे नवे षडयंत्र चर्चने रचले आहे. ज्यामध्ये चर्चला धाम/मंदिर म्हणणे, भगवी वस्त्रे परिधान करणे, येशूला कृष्ण रूपात सादर करणे इत्यादी गोष्टी फसव्या आहेत. स्वत:वर हल्ले करून खोटा प्रचार करून हिंदू समाज आणि देशाला बदनाम करण्याचे त्यांचे कारस्थान अनेकदा उघड झाले आहे.

या सर्व परिस्थितीमुळे मुस्लिम आणि ख्रिश्चन जगातील अनेक ज्ञानी लोक वैतागून आपला धर्मांतरित पंथ सोडून हिंदू धर्म स्वीकारत आहेत. भारतात धर्मांतर बळजबरीने, कपटाने आणि लालसेने झाले आहे, म्हणून हिंदू महापुरुषांनी धर्मांतर थांबवून त्यांना त्यांच्या मूळ पंथात आणण्याचा नेहमीच प्रयत्न केला आहे. देवल ऋषी, स्वामी विद्यारण्य, रामानुजाचार्य, रामानंद, चैतन्य महाप्रभू, स्वामी दयानंद, स्वामी श्रद्धानंद इ. द्वारा परिवर्तनाचा अखंड प्रयत्न आजही चालू आहे. विहिंपने या प्रयत्नाला गती देण्याचे ठरवले आहे.

विहिंप हिंदू समाजाला त्यांच्या गौरवशाली मूळ परंपरेचे महत्त्व समजून घेण्याचे आणि त्यानुसार त्यांचे वैयक्तिक जीवन आणि कौटुंबिक जीवन तयार करण्याचे आवाहन करते. घरी परतणाऱ्यांचे खुल्या मनाने स्वागत केले पाहिजे आणि रोटी – बेटी सहज संबंध प्रस्थापित केले पाहिजे.

या कारस्थानांमुळे राज्य सरकार आणि केंद्र सरकार आपल्या घटनात्मक जबाबदाऱ्यांपासून दूर राहू शकत नाही. विहिंपचे निवेदन आहे.

१. ज्या राज्यांमध्ये अवैध धर्मांतर आणि लव्ह जिहाद रोखण्यासाठी सशक्त कायदे नाहीत, त्यांनी देश आणि समाजाचे हित लक्षात घेता अविलंब कायदे करावेत.

२. बेकायदेशीर धर्मांतराचे देशव्यापी स्वरूप आणि त्यांचे दहशतवादी संघटनांशी असलेले संबंध पाहता, केंद्र सरकारने त्यांचे षड्यंत्र रोखण्यासाठी लवकरच एक मजबूत कायदा आणावा.

३.धर्मांतरित झालेल्या अनुसूचित जमातीतील लोकांना मिळणाऱ्या लाभांपासून वंचित ठेवण्यासाठी आवश्यक घटनादुरुस्तीही लवकरात लवकर करण्यात यावी.

४.विहिंप सर्व संत आणि सामाजिक-धार्मिक नेतृत्वातील महापुरुषांना विनंती करते की त्यांनी या षडयंत्रकारी शक्तींविरुद्ध समाजात व्यापक जनजागृती केली पाहिजे, अवैध धर्मांतर थांबवले पाहिजे आणि धर्मांतरित लोकांना त्यांच्या मुळाशी जोडले पाहिजे