अवघ्या १० रुपयांमध्ये करा पुण्यामध्ये प्रवास

By, Vishal Joshi - July 7, 2021 11:16:47

0

विशेष प्रतिनिधी

पुणे : सार्वजनिक वाहतूक सेवेत पीएमपीने आणखी एक पाऊल टाकले आहे. त्या अंतर्गत १० रुपयांच्या तिकिटात २४ तास पेठांमधून प्रवास करण्याची संधी पुणेकरांना पुणे महापालिकेने दिली आहे. Travel to Pune for just Rs 10

पुणेकरांना सुलभ आणि माफक दरात प्रवास करण्यासाठी पीएमपी आणि पुणे महापलिकेने सीएनजीवर आणि एसीनी युक्त असलेल्या मिडी बस आता पुण्यात धावणार आहेत. ९ जुलैपासून या सेवेला प्रारंभ होणार असल्याची माहिती भाजपाचे नेते आणि पालिकेतील स्थायी समितीचे अध्यक्ष हेमंत रासने यांनी दिली.

महात्मा फुले मंडई येथे बसचा लोकाअर्पण सोहळा होणार असून शहरातील पेठांच्या नऊ मार्गांवर नागरिकांना अवघ्या दहा रुपयात प्रवास करता येणार आहे. विशेष म्हणजे १० रुपयांचे तिकीट २४ तास चालणार आहे.