चित्रा वाघ यांच्या "रावणाला मदत करणारी शूर्पणखा" या टीकेवर रूपाली चाकणकर यांनी दिले उत्तर | Rupali Chakankar reply to Chitra Wagh's statement on women commission chief

चित्रा वाघ यांच्या “रावणाला मदत करणारी शूर्पणखा” या टीकेवर रूपाली चाकणकर यांनी दिले उत्तर

विशेष प्रतिनिधी

मुंबई: राज्य महिला आयोगावर अध्यक्षपदासाठी महिला प्रदेशाध्यक्ष रूपाली चाकणकर यांच्या नावाची चर्चा केली जात आहे. या पार्श्वभूमीवर चित्रा वाघ यांनी एक ट्विट केली आहे. या पदासाठी रूपाली चाकणकर यांचे नाव चर्चेत असल्याने चित्रा वाघ यांनी हे ट्विट अप्रत्यक्षपणे रुपाली चाकणकर यांना संबोधून केली असल्याचे बोलले जात आहे.

Rupali Chakankar reply to Chitra Wagh’s statement on women commission chief

चित्रा वाघ यांची ट्विट

चित्रा वाघ यांनी केलेल्या ट्विटवरून असे बोलले जात आहे की हे ट्विट हे अप्रत्यक्षपणे रूपाली चाकणकर यांना निर्देशून केले गेले आहे. या ट्विटमध्ये चित्रा वाघ यांनी असे म्हटले आहे की, “या आयोगावर अनुभवी अध्यक्ष नेमावा आणि जर मिळत नसेल तर रावणाला मदत करणाऱ्या शूर्पणखाला बसू नका.”

महिलांचे शील भ्रष्ट करणारे रावण राजरोस फिरताहेत पण राज्य महिला आयोगाला अद्याप अध्यक्ष नाही हे लाजिरवाणं आहे

अध्यक्ष लवकर नेमावा पण महिलांच्या क्षेत्रात काम करणारी कोणी अनुभवी मिळत नसेल तर किमान रावणाला मदत करणारी ‘शुर्पणखा’ बसवू नका

अन्यथा प्रत्येकवेळी सरकारचंच नाक कापलं जाईल

— Chitra Kishor Wagh (Modi ka Parivar) (@ChitraKWagh) October 14, 2021

अखेर राज्य महिला आयोगाच्या अध्यक्षपदी रुपाली चाकणकर यांचे नाव निश्चित ; महाविकास आघाडी सरकारने घेतला निर्णय

रूपाली चाकणकर यांची प्रतिक्रिया

रुपाली चाकणकर यांनी ट्विटर अप्रत्यक्ष शब्दातच प्रतिउत्तर दिले आहे. त्या म्हणाल्या, “कोरोना पार्श्वभूमीवर अनेक प्रश्न आहेत आणि जनता अजून सावरते आहे. इतर क्षुल्लक गोष्टींवर लक्ष द्यायला वेळ नाही.” एक जबाबदार नागरिक म्हणून कर्तव्य निभावणे गरजेचे आहे.” त्या पुढे म्हणाल्या की, महिलांची सुरक्षितता, सबलीकरण तसेच सक्षमीकरणावर आमचे लक्ष आहे आणि आम्ही इतर किरकोळ गोष्टींकडे लक्ष देत नाही. “राज्याच्या महिला संघटनेची अध्यक्ष म्हणून मी कार्यरत आहे”