चांदणी चौकात अपघातातून आमदार चंद्रकांत पाटील थोडक्यात बचावले MLA Chandrakant Patil escaped from the accident at Chandni Chowk

चांदणी चौकात अपघातातून आमदार चंद्रकांत पाटील थोडक्यात बचावले

विशेष प्रतिनिधी

पुणे : अचानक उतारावरून दुचाकी घसरून गर्दीवर आदळल्याने झालेल्या अपघातातून भारतीय जनता पक्षाचे प्रदेशाध्यक्ष चंद्रकांत पाटील थोडक्यात बचावले. चांदणी चौकात बुधवारी हा प्रकार घडला. MLA Chandrakant Patil escaped from the accident at Chandni Chowk

चांदणी चौक येथील कामाची पाहणी करायला आमदार चंद्रकांत पाटील आले होते. चांदणीचौक येथील उतारावर पत्रकारांशी संवाद सुरू असताना तीव्र उतारावरुन एका चालकाची दुचाकी घसरल्याने तो गर्दीवर आदळला. सुदैवाने कार्यकर्त्यांची फळी बाजूला असल्याने पाटील यांना इजा झाली नाही. काही महिला पत्रकार सुध्दा थोडक्यात बचावल्या.

अमेरिकेचे अध्यक्ष ज्यो बायडेन यांच्याविरोधात अफगाणी नागरिकांचा संताप, व्हाईट हाऊसबाहेर निदर्शने

दुचाकीस्वार मद्यप्राशन करून आला असावा असे वाटून कार्यकर्त्यांनी त्यास मारायला सुरवात केली. मात्र थांबा त्याला मारू नका असे म्हणत पाटील यांनी त्याची विचारपूस केली.

दरम्यान यावेळी पत्रकारांशी बोलताना अधिका-यांनी चांगले काम केले तर त्यांना चॉकलेट देणार असे पाटील यांनी सांगितले.

मात्र चांदणी चौकातील कामा बाबत आपण समाधानी नाही परंतु कामासाठी काही वेळही देणे गरजेचे आहे असे पाटील यांनी यावेळी सांगितले. काम चांगले करावे म्हणून चॉकलेट देत आहे असे सांगत दादांनी अधिका-यांना चॉकलेट दिले.