Ashadhi Ekadashi 2021 Wardha Couple selected For Viththal Mahapuja With CM Thackeray

Ashadhi Ekadashi 2021 : मुख्यमंत्र्यांसमवेत विठ्ठल-रुक्मिणीच्या महापूजेचा मान या वर्षी ‘या’ दाम्पत्याला मिळणार

Ashadhi Ekadashi 2021 : आषाढी एकादशीनिमित्त श्रीविठ्ठल-रुक्मिणीच्या महापूजेचा मान या वर्षी विठ्ठल मंदिरातील वीणेकरी केशव कोलते व त्यांच्या पत्नी इंदुमती कोलते यांना मिळाला आहे. मंदिर समितीचे सहअध्यक्ष गहिनीनाथ महाराज औसेकर यांच्या हस्ते चिठ्ठी काढून मानाच्या वारकऱ्यांची निवड करण्यात आली. केशव कोलते हे वर्ध्याचे रहिवासी असून ते 1972 पासून पंढरीची वारी करतात. तसेच मागच्या 20 वर्षांपासून ते विठ्ठल मंदिरात वीणेकरी म्हणूनही सेवा देत आहेत. Ashadhi Ekadashi 2021 Wardha Couple selected For Viththal Mahapuja With CM Thackeray


विशेष प्रतिनिधी

पंढरपूर : आषाढी एकादशीनिमित्त श्रीविठ्ठल-रुक्मिणीच्या महापूजेचा मान या वर्षी विठ्ठल मंदिरातील वीणेकरी केशव कोलते व त्यांच्या पत्नी इंदुमती कोलते यांना मिळाला आहे. मंदिर समितीचे सहअध्यक्ष गहिनीनाथ महाराज औसेकर यांच्या हस्ते चिठ्ठी काढून मानाच्या वारकऱ्यांची निवड करण्यात आली. केशव कोलते हे वर्ध्याचे रहिवासी असून ते 1972 पासून पंढरीची वारी करतात. तसेच मागच्या 20 वर्षांपासून ते विठ्ठल मंदिरात वीणेकरी म्हणूनही सेवा देत आहेत.

कोरोना महामारीमुळे गतवर्षीप्रमाणेच या वर्षीही पायी वारी रद्द झालेली आहे. या कारणामुळे दर्शन रांगेतील भविकांतून मानाचा वारकरी निवडता येत नाही. म्हणूनच मंदिरात सेवा देणाऱ्या भाविकांमधून मानाचा वारकरी निवडण्यात येत आहे. यावर्षी हा मान कोलते दांपत्याला मिळाला असून मुख्यमंत्री उद्धव ठाकरे यांच्यासह त्यांना आषाढी एकदशीच्या दिवशी विठ्ठलाची महापूजा करता येणार आहे.

दरम्यान, या वर्षी 20 जुलै रोजी आषाढी एकादशी साजरी होणार आहे. कोरोना संकटाच्या पार्श्वभूमीवर या वर्षी मानाच्या 10 पालख्यांनाच पंढरपुरात प्रवेशाची परवानगी देण्यात आली आहे. तसेच पंढरपुरात संचारबंदी लागू करण्यात आली असून आंतरराज्य व आंतरजिल्हा प्रवासासही बंदी झाालण्यात आली आहे. आज दुपारी 2 वाजेपासून संचारबंदीला सुरू होणार असून 25 जुलैपर्यंत हे आदेश कायम राहणार असल्याचे सांगण्यात आले आहे.

Ashadhi Ekadashi 2021 Wardha Couple selected For Viththal Mahapuja With CM Thackeray

महत्त्वाच्या बातम्या