देश हळहळला : रायगड, सातारा, पोलादपूर भूस्खलनात मृतांची संख्या 72 वर, पंतप्रधानांनी व्यक्त केला शोक, जाहीर केली मदत

71 killed in Raigad satara landslide, PM Modi announced Help to kin of the dead and injured through PMNRF

72 killed in Raigad satara landslide : रायगड आणि सातारा येथील भूस्खलनामुळे आतापर्यंत 72 जणांचा मृत्यू झाला आहे. पोलिसांनी दिलेल्या माहितीनुसार, महाडच्या तलाई गावात घडलेल्या या अपघातात मृतांचा आकडा आणखी वाढू शकतो. गेल्या अनेक दिवसांपासून महाराष्ट्राच्या बर्‍याच भागात संततधार पाऊस सुरू आहे, त्यामुळे अनेक दुर्घटना झाल्या आहेत. या घटनेनंतर महाराष्ट्राचे मुख्यमंत्री उद्धव ठाकरे आणि केंद्रीय गृहमंत्री अमित शहा यांनी परिस्थितीची माहिती घेतली. 72 killed in Raigad satara landslide, PM Modi announced Help to kin of the dead and injured through PMNRF


विशेष प्रतिनिधी

नवी दिल्ली : रायगड आणि सातारा जिल्ह्यातील भूस्खलनामुळे आतापर्यंत 71 जणांचा मृत्यू झाला आहे. पोलिसांनी दिलेल्या माहितीनुसार, महाडच्या तलाई गावात घडलेल्या या अपघातात मृतांचा आकडा आणखी वाढू शकतो. गेल्या अनेक दिवसांपासून महाराष्ट्राच्या बर्‍याच भागात संततधार पाऊस सुरू आहे, त्यामुळे अनेक दुर्घटना झाल्या आहेत. या घटनेनंतर महाराष्ट्राचे मुख्यमंत्री उद्धव ठाकरे आणि केंद्रीय गृहमंत्री अमित शहा यांनी परिस्थितीची माहिती घेतली.

कोणत्या ठिकाणी किती मृत्यू…

चिपळूणमधील अपरांत हॉस्पिटल, कोव्हिड सेंटरमधील 8 रुग्णांचा मृत्यू
तळीये, महाड – 38 मृतदेह हाती
आंबेघर, सातारा – १२ जणांचा मृत्यू
पोलादपूर, रायगड – 11 जणांचा मृत्यू
वाई, सातारा – 2 महिलांचा मृत्यू
कणकवली – दिगवळे, सिंधुदुर्ग – 1 महिलेचा मृत्यू
राज्यात आतापर्यंत 72 जणांचा मृत्यू

त्याचबरोबर पंतप्रधान नरेंद्र मोदी यांनी रायगडमध्ये भूस्खलनामुळे ज्यांनी आपला जीव गमावला त्यांच्या कुटुंबीयांना मदत जाहीर केली आहे. पंतप्रधान कार्यालयाने म्हटले की, पीएम नरेंद्र मोदी यांनी रायगड, महाराष्ट्रात दरड कोसळल्यामुळे प्राण गमवावे लागलेल्या लोकांच्या पुढच्या नातेवाइकांसाठी पीएमएनआरएफकडून प्रत्येकी दोन लाख रुपयांची रक्कम जाहीर केली, तर जखमींना 50 हजार रुपये देण्यात येणार आहेत.

त्याच वेळी केंद्रीय गृहमंत्री अमित शहा म्हणाले की, महाराष्ट्रातील रायगडमध्ये मुसळधार पाऊस आणि दरड कोसळल्यामुळे झालेला अपघात अत्यंत खेदजनक आहे. यासंदर्भात मी मुख्यमंत्री उद्धव ठाकरे आणि एनडीआरएफचे डीजी एसएन प्रधान यांच्याशी बोललो आहे. एनडीआरएफचे पथक मदत व बचाव कामात व्यग्र आहे. केंद्र सरकार तेथे सर्वतोपरी मदत करत आहे.

दुसरीकडे, महाराष्ट्राचे मुख्यमंत्री उद्धव ठाकरे म्हणाले की, रायगडच्या तलाई गावात भूस्खलनामुळे अनेकांनी प्राण गमावले आहेत. अनेक ठिकाणी बचावकार्य सुरू आहे. मी भूस्खलन होण्याची शक्यता असलेल्या भागात राहणाऱ्या लोकांना बाहेर काढण्याचे आणि तेथील स्थानांतरणाचे आदेश दिले आहेत.

घटनास्थळी एनडीआरएफ

एका पोलीस अधिकाऱ्याने सांगितले की, भूस्खलनाच्या ठिकाणाहून आतापर्यंत अनेक मृतदेह सापडले आहेत. ढिगाऱ्याखाली आणखी लोक अडकल्याची भीती असल्याचे स्थानिकांचे म्हणणे आहे. महाराष्ट्राचे मुख्यमंत्री उद्धव ठाकरे परिस्थितीचा आढावा घेत आहेत. एनडीआरएफची एक टीम मुंबईपासून सुमारे 160 किलोमीटर अंतरावर महाड येथे पोहोचली आहे आणि मदत आणि बचाव कार्यात व्यग्र आहे. आणखी एक पथक लवकरच येण्याची शक्यता आहे.

अनेक भागांत पूर

दुसरीकडे, महाराष्ट्रातील महाबळेश्वर आणि सातारा जिल्ह्यात गेल्या दोन दिवसांत झालेल्या मुसळधार पावसामुळे राज्याच्या लगतच्या किनारपट्टीच्या भागातील काही भागांत, विशेषत: रत्नागिरी आणि रायगड जिल्ह्यात पूर आला आहे. कोकण भागातील या दोन जिल्ह्यांतील अनेक ठिकाणे पाण्यामध्ये बुडाली आहेत आणि अडकलेल्या लोकांना सुरक्षित ठिकाणी नेण्यासाठी प्रशासनाने पावले उचलली आहेत.

मुसळधार पाऊस

पुण्यातील भारतीय हवामान खात्याचे (आयएमडी) ज्येष्ठ शास्त्रज्ञ के. एस. होसाळीकर यांनी सांगितले की, साताऱ्यातील लोकप्रिय हिल स्टेशन महाबळेश्वर येथे २२ जुलै रोजी सकाळी साडेआठ वाजेपासून ते 23 जुलै रोजी रात्री एक वाजेपर्यंत 17 तासांमध्ये 483 मिमी पावसाची नोंद झाली आहे.

72 killed in Raigad satara landslide, PM Modi announced Help to kin of the dead and injured through PMNRF

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात