राष्ट्रवादी कुणाची? निवडणूक आयोगाची शरद पवार आणि अजित पवार गटाला नोटीस, उत्तरासाठी तीन आठवड्यांची मुदत Whose nationalist? Election Commission notice to Sharad Pawar and Ajit Pawar group, three weeks time for reply

राष्ट्रवादी कुणाची? निवडणूक आयोगाची शरद पवार आणि अजित पवार गटाला नोटीस, उत्तरासाठी तीन आठवड्यांची मुदत

वृत्तसंस्था

मुंबई : निवडणूक आयोगाने राष्ट्रवादीचे शरद पवार आणि अजित पवार गटाला पक्षाचे नाव आणि अधिकृत चिन्हाबाबतच्या नोटिशीला उत्तर देण्यासाठी आणखी तीन आठवड्यांची मुदत दिली आहे. शरद पवार गटाने निवडणूक आयोगाला पत्र लिहून चार आठवड्यांची मुदत मागितली होती. आता दोन्ही गटांना 8 सप्टेंबरपर्यंत नोटीसला उत्तर द्यावे लागणार आहे. Whose nationalist? Election Commission notice to Sharad Pawar and Ajit Pawar group, three weeks time for reply

अजित पवार आणि शरद पवार गटाला निवडणूक आयोगाने 27 जुलै रोजी नोटीस बजावली होती. यावर 17 ऑगस्टपर्यंत उत्तर मागितले होते. आयोगाला 40 खासदार, आमदार आणि एमएलसी तसेच बंडखोर गटाच्या सदस्यांची शपथपत्रे मिळाली होती. बंडखोर गटाने अजित पवार यांची राष्ट्रवादी काँग्रेसच्या अध्यक्षपदी निवड केली आहे.

शरद पवार यांच्या नेतृत्वाखालील गटाने जोपर्यंत निवडणूक आयोगाने बंडखोर गटाच्या दाव्याची दखल घेत नाही तोपर्यंत निवडणूक आयोगाकडे न जाण्याचा निर्णय घेतला होता. 3 जुलै रोजी, पवार गटाने एकनाथ शिंदे-देवेंद्र फडणवीस युती सरकारमध्ये उपमुख्यमंत्री म्हणून शपथ घेतलेल्या अजित पवारांसह राष्ट्रवादीच्या 9 आमदारांविरुद्ध अपात्रतेचा प्रस्ताव दाखल केला.

पाच खासदारांच्या राष्ट्रवादीचे दोन व्हिप; पण मतदानाऐवजी सभात्यागाची “आतून” आहे का “टीप”??

9 आमदारांची पक्षातून हकालपट्टी

तीन दिवसांनंतर शरद पवार गटाने कार्याध्यक्ष प्रफुल्ल पटेल आणि सरचिटणीस सुनील तटकरे यांच्यासह नऊ आमदारांची हकालपट्टी केली. दिल्लीत झालेल्या पक्षाच्या कार्यकारिणीच्या बैठकीत हा निर्णय घेण्यात आला.

दरम्यान, काही दिवसांपूर्वी शरद पवार यांनी पुतणे अजित पवार यांच्यासोबत पुण्यात बंद दाराआड बैठक घेतली होती. त्यामुळे दोघांच्या पुढील वाटचालीची चर्चा पुन्हा जोर धरू लागली आहे. एका व्यावसायिकाच्या घरी ही बैठक तीन तास चालली. शरद पवार आणि अजित पवार पुन्हा एकत्र येणार की काय असं बोललं जात होतं.

भाजपशी संबंध आमच्या राजकीय धोरणात बसत नाही : शरद पवार

या बैठकीबाबत विचारले असता, त्यावर गदारोळ करण्याची काय गरज होती, असे पवार म्हणाले. ही गुप्त बैठक नसल्याचे त्यांनी सांगितले. ती एक कौटुंबिक बैठक होती. आपण भाजपसोबत कधीही युती करणार नाही, असेही राष्ट्रवादी काँग्रेसच्या अध्यक्षांनी जाहीर केले. शरद पवार म्हणाले की, भाजपशी कुठलाही संबंध राष्ट्रवादीच्या राजकीय धोरणात बसत नाही.