विशेष प्रतिनिधी
मुंबई : राष्ट्रवादी काँग्रेसचा राजकीय वारसा आपल्याच मुलीकडे म्हणजे खासदार सुप्रिया सुळे यांच्याकडे सोपविण्याचा निर्णयकक्षणी राष्ट्रवादी काँग्रेसने शरद पवारांचा एक जुना मुलाखतीचा “पुरोगामी व्हिडिओ” आपल्या ट्विटर हँडल वरून शेअर केला आहे. पवार सुप्रिया सुळे यांच्या जन्मानंतर एकाच मुलीवर थांबले. याचा उल्लेख या व्हिडिओतून ठळकपणे करण्यात आला आहे. पवारांची पुरोगामी प्रतिमा महाराष्ट्रावर ठसविण्याचा यातून प्रयत्न झाला आहे. Sharad pawar proposes dynasty politics in his interview in progressive language
घरातील लेक ही वंशाचाच नव्हे तर विचारांचाही दिवा तेवत ठेवू शकते, असा पुरोगामी विचार शरद पवार साहेबांसारखा द्रष्टा नेताच रुजवू शकतो, अशी प्रतिमा निर्मिती करणे हा व्हिडिओ शेअर करण्याचा हेतू आहे.
घरातील लेक ही वंशाचाच नव्हे तर विचारांचाही दिवा तेवत ठेवू शकते… असा पुढारलेला विचार आदरणीय श्री. शरद पवार साहेबांसारखा द्रष्टा नेताच रुजवू शकतो. म्हणून महाराष्ट्र देशातील इतर राज्यापेक्षा वेगळा ठरतो. बाकी बुरसटलेल्या विचारधारेच्या आहारी गेलेल्यांना वंशाचा दिवा, आडनावाची… pic.twitter.com/h5PoNo6nw0
— Nationalist Congress Party – Sharadchandra Pawar (@NCPspeaks) April 10, 2024
शरद पवार मुख्यमंत्री असताना दिग्दर्शक जब्बार पटेल यांनी सह्याद्री वाहिनीवर त्यांची मुलाखत घेतली होती. त्यातला हा अंश भाग राष्ट्रवादी काँग्रेसने शेअर केला आहे. जब्बार पटेल हे शरद पवारांचेच समर्थक मानले जातात. त्यांच्याच मार्गदर्शनाखाली जब्बार पटेल यांनी यशवंतराव चव्हाणांवरच्या बायोपिकचे दिग्दर्शन केले होते. पण तो बायोपिक महाराष्ट्रात फारसा चालला नाही.
जब्बार पटेल यांनी शरद पवारांना त्या मुलाखतीत प्रश्न विचारला होता, की आपल्या देशात मुलगा हा वंशाचा दिवा असे मानत असताना तुम्हाला एकच मुलगी का? या प्रश्नांना कसे सामोरे जाता?? यावर शरद पवार म्हणाले, हा प्रश्न अनेकदा मला विचारला जातो. ग्रामीण भागात गेल्यानंतर हा प्रश्न मला कायम विचारला जातो. मुलगा असता तर बरे झाले असते. शेवटी नाव चालवण्यासाठी, बर वाईट झाल्यानंतर अग्नी देण्यासाठी मुलगा पाहिजे, असे म्हटले जाते. माझ्या मते हा प्रत्येकाच्या बघण्याचा दृष्टीकोन आहे. अग्नी देण्यासाठी कोणीतरी असला पाहिजे याची चिंता करायची का जिवंत असताना नीटनेटक वागण्याची चिंता करायची?? मुलगा आणि मुलगी यांच्याकडे पाहण्याचा जो समाजाचा दृष्टीकोन आहे. तो टाकून दिला पाहिजे. मुलीला मुलाप्रमाणे वाढवून, समान संधी देऊन आत्मविश्वास वाढवून तिच्याकडून उत्तम काम करुन घेऊ शकतो, याची खात्री मला आहे, असे शरद पवार म्हणाले.
शरद पवार यांच्यानंतर राष्ट्रवादी काँग्रेस पक्षाचा वारसदार कोण असणार, नेतृत्व कुणाकडे असणार? अशी चर्चा अनेकदा होत असते. त्यानंतर शरदचंद्र पवार गटाकडून शेअर करण्यात आलेल्या व्हिडीओमुळे चर्चांना उधाण आले आहे.
Sharad pawar proposes dynasty politics in his interview in progressive language
महत्वाच्या बातम्या
- मोदींना बिनशर्त पाठिंबा देऊन राज ठाकरे महाराष्ट्रात बनलेत त्यांचा “रिझर्व्ह फोर्स”!!
- राज ठाकरेंचा मोदींना बिनशर्त पाठिंबा; पण महाराष्ट्र विधानसभा ताकदीने लढवायला मनसेचे इंजिन “मोकळे”!!
- केजरीवाल यांना मुख्यमंत्रिपदावरून हटवण्यासाठी तिसरी याचिका दाखल; 10 एप्रिलला सुनावणी
- गौरव वल्लभ यांची जयराम रमेशांवर टीका, म्हणाले- त्यांना फक्त राज्यसभेची चिंता, अनुभव नसूनही काँग्रेसचा जाहीरनामा लिहितात
