पुणे-दिल्ली आकाशा विमानात बॉम्बची अफवा; 40 मिनिटे हवेतच राहिले विमान, मुंबईत इमर्जन्सी लँडिंग|Rumors of bomb in Pune-Delhi Akasha flight; The plane remained in the air for 40 minutes, making an emergency landing in Mumbai

पुणे-दिल्ली आकाशा विमानात बॉम्बची अफवा; 40 मिनिटे हवेतच राहिले विमान, मुंबईत इमर्जन्सी लँडिंग

प्रतिनिधी

मुंबई : पुण्याहून दिल्लीला जाणाऱ्या आकाशा विमानाचे शुक्रवारी रात्री मुंबईत इमर्जन्सी लँडिंग करण्यात आले. वास्तविक, टेकऑफनंतर फ्लाइटमध्ये बॉम्ब असल्याची माहिती मिळाली होती. त्यानंतर विमान मुंबईच्या दिशेने वळवण्यात आले. या काळात विमान सुमारे 40 मिनिटे हवेत राहिले.Rumors of bomb in Pune-Delhi Akasha flight; The plane remained in the air for 40 minutes, making an emergency landing in Mumbai

दुपारी 12.42 वाजता हे विमान छत्रपती शिवाजी महाराज विमानतळावर उतरले आणि सर्व प्रवाशांना सुखरूप बाहेर काढण्यात आले. फ्लाइटमध्ये 6 क्रू मेंबर्ससह 185 प्रवासी होते.

एअर इंडिया वाढविणार मुंबई, पुणे, औरंगाबादच्या विमानफेऱ्या , प्रवासी संख्या वाढविण्यासाठी निर्णय

तपासात पोलिसांना कोणतीही संशयास्पद वस्तू आढळली नाही

पहाटे अडीच वाजता विमान मुंबई विमानतळावर उतरल्यानंतर सीआयएसएफच्या अधिकाऱ्याने मुंबई पोलीस नियंत्रणाला माहिती दिली. त्यानंतर बॉम्ब शोधक आणि निकामी पथकाने विमानातील प्रवाशांच्या सामानाची झडती घेतली. एका पोलीस अधिकाऱ्याने सांगितले की, तपासादरम्यान पोलिसांना कोणतीही संशयास्पद वस्तू आढळली नाही.

बॅगेत बॉम्ब असल्याचा दावा करणाऱ्या प्रवाशाला रुग्णालयात दाखल करण्यात आले

फ्लाइट लँड झाल्यानंतर छातीत दुखू लागल्याने त्याच्या बॅगेत बॉम्ब असल्याचा दावा करणाऱ्या प्रवाशाला रुग्णालयात नेण्यात आले. फ्लाइटमध्ये प्रवाशासोबत असलेल्या एका नातेवाइकाने छातीत दुखत असल्याने औषध घेतल्याचे पोलिसांना सांगितले. आकासा एअरलाइन्सने एका निवेदनात या घटनेला दुजोरा दिला आहे.