विशेष प्रतिनिधी
मुंबई : Ramdas Kadam शिवसेना ठाकरे गटाला मोठा धक्का देत ओमराजे निंबाळकर, संजय जाधव, संजय देशमुख, संजय पाटील, नागेश आष्टीकर आणि भाऊसाहेब वाकचौरे हे सहा खासदार आज अधिकृतरित्या एकनाथ शिंदे यांच्या शिवसेनेत प्रवेश करणार आहेत. हे सर्व खासदार सध्या मुंबईत दाखल झाले असून ते शिंदे यांच्या ‘नंदनवन’ या शासकीय निवासस्थानी पोहोचले आहेत. मात्र या राजकीय घडामोडींदरम्यान शिंदे गटाचे वरिष्ठ नेते रामदास कदम यांनी एक धक्कादायक खुलासा केला असून, त्यांच्या माहितीनुसार या प्रवेशासाठी केवळ सहा नव्हे, तर तब्बल सात खासदारांच्या स्वाक्षरीचे पत्र तयार असल्याचे कदम यांनी म्हटले आहे.Ramdas Kadam
शिवसेना ठाकरे गटातील फुटीर 6 खासदार आज शिवसेना शिंदे गटात प्रवेश करणार आहेत. त्यावर बोलताना रामदास कदम म्हणाले, ये तो झांकी है, और बहोत कुछ बाकी है. आमदार फुटीच्या मार्गावर आहेत. मुंबई महानगरपालिकेचे नगरसेवकही संपर्कात आहेत. आता मी नावे सांगणार नाही, असेही कदम यांनी म्हटले आहे.Ramdas Kadam
सातव्या खासदाराचीही सही
पुढे बोलताना रामदास कदम म्हणाले, उद्धव ठाकरेंच्या बाजूला जे बसत आहेत, ते त्यांना फसवत आहेत. 6 नाही, सातव्या खासदाराचीही सही आहे. हे मी जबाबदारीने बोलतो आहे. त्यांनी मंत्रिपद मागितले. मंत्रिपद मिळाले नाही म्हणून ते परत गेले आणि आता ते उद्धव ठाकरेंच्या बाजूला बसत आहेत. उद्धव ठाकरेंना माणसांची ओळख नाही, असे कदम यांनी म्हटले आहे.
ऑपरेशन टायगर यशस्वी होऊ नये म्हणून काही लोकांनी प्रयत्न केला
ऑपरेशन टायगर संदर्भात बोलताना रामदास कदम म्हणाले, ऑपरेशन टायगर यशस्वी होऊ नये म्हणून काही लोकांनी प्रयत्न केला. ओमराजे निंबाळकर यांना रात्री काही लोकांनी भेटण्याचा प्रयत्न केला. त्यांना पाठवले गेले होते. पण निंबाळकरांनी त्यांना चोख प्रत्युत्तर दिले. मला आज एकनाथ शिंदे यांचा खूप अभिमान वाटतोय. कारण, त्यांनी जो निर्णय घेतला त्याची आज अंमलबजावणी होत आहे. आज चार वाजता यशवंतराव चव्हाण सेंटर येथे सहाही खासदारांचा प्रवेश होणार आहे. कालच एकनाथ शिंदे यांनी सांगितले होते की मी कोणतेही ऑपरेशन अर्धवट सोडत नाही, असेही कदम यांनी यावेळी म्हटले आहे.
Not Six, Seven MPs Ready With Signed Letter”: Ramdas Kadam’s Shocking Reveal
महत्वाच्या बातम्या
- ठाकरेंच्या ६ खासदारांचा शिंदे सेनेत प्रवेश; सर्वांना धनुष्यबाणावर निवडून आणायचे शिंदेंचे आश्वासन!!
- नाशिक मध्ये फुटली तब्बल 218 मते; नरेंद्र दराडे यांच्या पराभवात भाजप बरोबर राष्ट्रवादीचाही हात!!
- Trump : ट्रम्प म्हणाले– इराणने हिजबुल्लाहला थांबवावे, अन्यथा पुन्हा हल्ला करू:अमेरिका-इराण यांच्यात 82 मिनिटे चर्चा
- Mumbai BEST Strike : बेस्ट कर्मचाऱ्यांचा संप अखेर मागे; शिंदेंची मोठी घोषणा, वेतनवाढीसह ग्रॅच्युईटीचा मार्ग मोकळा