एमपीएससी दुय्यम सेवा परीक्षा आता येत्या ४ सप्टेंबरला, कोरोनामुळे पुढे ढकलल्या होत्या परीक्षा MPSC exam will held on 4 sept.

एमपीएससी दुय्यम सेवा परीक्षा आता येत्या ४ सप्टेंबरला, कोरोनामुळे पुढे ढकलल्या होत्या परीक्षा

विशेष प्रतिनिधी

मुंबई – महाराष्ट्र लोकसेवा आयोगाच्या वतीने घेतली जाणारी महाराष्ट्र दुय्यम सेवा अराजपत्रित गट ब-२०२० ही परीक्षा कोरोनामुळे पुढे ढकलली होती. ही परीक्षा येत्या ४ सप्टेंबर रोजी होणार आहे. MPSC exam will held on 4 sept.

महाराष्ट्र लोकसेवा आयोगाच्या वतीने परीक्षेचे आयोजनासंदर्भात परिपत्रक जारी केले आहे. त्यामध्ये राज्य शासनाच्या आपत्ती व्यवस्थापन विभागाकडून ३ ऑगस्ट रोजी परीक्षेला परवानगी देणारे पत्र प्राप्त झाल्याचे सांगण्यात आले आहे.

तरुण नैराश्यात जात आहेत, स्थगित MPSC परीक्षा त्वरित घ्या आणि प्रलंबित नियुक्त्याही द्या – रोहित पवार

महाराष्ट्र लोकसेवा आयोगाकडून महाराष्ट्र दुय्यम सेवा अराजपत्रित गट ब संयुक्त पूर्व परीक्षेचे आयोजन ४ सप्टेंबर रोजी आयोजित करण्यात येईल, असे स्पष्ट केले आहे. तसेच, परीक्षेच्या आयोजनासंदर्भात पुढील अपडेटससाठी आयोगाच्या वेबसाइटवर माहिती देण्यात येणार आहे.

महाराष्ट्र दुय्यम सेवा ‘अराजपत्रित गट ब’साठी ही परीक्षा घेतली जाईल. महाराष्ट्र दुय्यम सेवा ‘अराजपत्रित गट ब’ संयुक्त पूर्वपरीक्षा २०२० ही परीक्षा आधी ११ एप्रिल रोजी आयोजित करण्यात आली होती. मात्र कोरोनाच्या प्रादुर्भावामुळे ९ एप्रिल रोजी एमपीएससीकडून परिपत्रक काढून ही परीक्षा पुढे ढकलण्यात आली होती. आता ही परीक्षा ४ सप्टेंबर २०२१ रोजी घेण्याचा निर्णय महाराष्ट्र लोकसेवा आयोगाने घेतला आहे. याबाबत परिपत्रक काढून आयोगाने विद्यार्थ्यांना सूचित केले आहे.