मराठा आंदोलनातील जाळपोळ थांबेना; आमदार प्रकाश सोळंकेच्या घरापाठोपाठ संदीप क्षीरसागरांचेही घर पेटवले; बीडमध्ये राष्ट्रवादीचे कार्यालय जाळले!! MLA Sandeep Kshirsagar's house was also set on fire

मराठा आंदोलनातील जाळपोळ थांबेना; आमदार प्रकाश सोळंकेच्या घरापाठोपाठ संदीप क्षीरसागरांचेही घर पेटवले; बीडमध्ये राष्ट्रवादीचे कार्यालय जाळले!!

प्रतिनिधी

मुंबई : मनोज जरांगे पाटलांच्या उपोषण सहाव्या दिवशी मराठा आंदोलकांनी मराठवाड्यात मोठी जाळपोळ केली. अजित पवारांच्या राष्ट्रवादीचे आमदार प्रकाश सोळंके यांचे घर आणि गाडी पेटवली. त्या पाठोपाठ बीडमध्ये राष्ट्रवादीचे मुख्य कार्यालय जाळले. MLA Sandeep Kshirsagar’s house was also set on fire

राष्ट्रवादीचे दुसरे आमदार संदीप क्षीरसागर आणि माजी मंत्री जयदत्त क्षीरसागर यांच्या घरांनाही आगी लावल्या, इतकेच नाहीतर रस्त्यावरची वाहने देखील मराठा आंदोलकांनी पेटवली.

आंदोलन भरकट चालण्याचा इशारा मुख्यमंत्री एकनाथ शिंदे यांनी जरांगे पाटलांना दिला होता जरांगे पाटलांनी देखील आंदोलकांनी जाळपोळ करू नये, असा इशारा दिला होता. परंतु मराठा आंदोलन ऐकण्याच्या स्थितीत नाहीत. त्यामुळेच त्यांनी आज दोन आमदारांच्या घरांना आणि गाड्यांना आगी लावल्या.

#WATCH महाराष्ट्र: मराठा आरक्षण के आंदोलनकारियों ने आज शाम बीड शहर में NCP कार्यालय में आग लगा दी। बाद में उन्होंने NCP विधायक संदीप क्षीरसागर और राज्य के पूर्व मंत्री जय क्षीरसागर के आवासों में भी आग लगा दी। अधिक जानकारी की प्रतीक्षा है। pic.twitter.com/5at1XKxJQK

— ANI_HindiNews (@AHindinews) October 30, 2023

क्षीरसागर कुटुंबीयांच्या ताब्यात असलेली शिक्षण संस्था के. एस. के. कॉलेजच्या कार्यालयात देखील आंदोलकांनी आग लावली. यातून कायदा सुव्यवस्थेचा प्रश्न निर्माण झाला आहे.

धुळे सोलापूर रस्त्यावर हॉटेल सनराइजला देखील आंदोलकांनी आग लावली समता परिषदेचे बीड जिल्हाध्यक्ष एडवोकेट सुभाष राऊत यांचे हे हॉटेल आहे. बीड शहराचे मुख्य बाजारपेठ सुभाष रोडवर आंदोलकांनी दोन मोटरसायकल पेटवल्या आणि दगडफेक केली त्याबरोबर संपूर्ण बाजारपेठ बंद करावी लागली.