पालघरमध्ये आंबेडकर जयंतीच्या मिरवणुकीत मोठा अपघात, विजेचा धक्का लागून 2 जणांचा मृत्यू; 5 जण होरपळले|Major accident in Ambedkar Jayanti procession in Palghar, 2 killed due to electric shock; 5 people died

आंबेडकर जयंतीच्या मिरवणुकीत मोठा अपघात, विजेचा धक्का लागून 2 जणांचा मृत्यू; 5 जण होरपळले

प्रतिनिधी

पालघर : येथे महामानव डॉ. बाबासाहेब आंबेडकर यांच्या जयंतीनिमित्त काढण्यात आलेल्या मिरवणुकीत भीषण अपघात झाला. रॅलीदरम्यान विजेचा धक्का लागून दोघांचा मृत्यू झाला. तर पाच जण गंभीर भाजले. या सर्वांना रुग्णालयात दाखल करण्यात आले आहे. गुरुवारी सायंकाळी विरारमधील मनवेलपाडा ते पालघरमधील कारगिलपर्यंत रॅली काढण्यात आली. रॅली आटोपून लोक घरी परतत असताना हा अपघात झाला. माहिती मिळताच पोलिसांनी घटनास्थळ गाठून या प्रकरणाचा तपास सुरू केला.Major accident in Ambedkar Jayanti procession in Palghar, 2 killed due to electric shock; 5 people died

मिळालेल्या माहितीनुसार, शुक्रवारी देशभरात बाबासाहेबांची जयंती साजरी होत आहे. त्याचवेळी जयंतीच्या पूर्वसंध्येला गुरुवारी पालघरमध्ये रॅलीचे आयोजन करण्यात आले होते. रॅलीत मोठ्या संख्येने लोक उपस्थित होते. रात्री 10.30 वाजता रॅली सुरक्षितपणे आपल्या गंतव्यस्थानी पोहोचली आणि सांगता झाली. यानंतर लोक माघारी फिरू लागताच, त्यातील काही जणांचा वीज तारांना स्पर्श झाला.

पालघरमध्ये हिंदू आदिवासींचे धर्मांतर करण्याचा डाव उधळला; 4 ख्रिश्चन मिशनऱ्यांना अटक!!

त्यामुळे दोघांचा जागीच मृत्यू झाला. सुमित शिवाजी सुत (28) आणि रूपेश शरद सुर्वे (20) अशी त्यांची नावे आहेत. विजेचा धक्का लागल्याने त्यांना वाचवण्यासाठी गेलेले राहुल जगताप, उमेश कनोजिया, अस्मित कांबळे, सत्यनारायण पंडित, रोहित गायकवाड यांनाही विजेचा धक्का लागून ते गंभीर भाजल्याचे सांगण्यात येत आहे.

ताबडतोब या सर्वांना वसई विरारच्या महापालिका रुग्णालयात नेण्यात आले. जिथे डॉक्टरांनी सुमित आणि रुपेश यांना मृत घोषित केले. त्याचवेळी जळालेल्या पाच तरुणांना उपचारासाठी रुग्णालयात दाखल करण्यात आले आहे. माहिती मिळताच पोलिसांनी घटनास्थळ गाठून या प्रकरणाचा तपास सुरू केला आहे.