विरोधी आघाडी I.N.D.I.A.ची आज मुंबईत तिसरी बैठक, जवळपास २८ पक्षांची जमवाजमव केल्याचा दावा


मुंबई : देशाची आर्थिक राजधानी मुंबईत आजपासून विरोधी आघाडी I.N.D.I.A.ची दोन दिवसीय बैठक होणार आहे. २६ पक्षांव्यतिरिक्त काही नवीन पक्षही या बैठकीत सहभागी होणार असल्याचा दावा केला जात आहे. या बैठकीला उपस्थित राहण्यासाठी आघाडीचे नेते मुंबईत पोहोचले आहेत. I.N.D.I.A. Aghadis third meeting in Mumbai today claims about 28 party gathering

मुंबईतील बैठक बंगळुरूमधील बैठकीसारखीच असेल. पहिल्या दिवशी म्हणजे ३१ऑगस्ट रोजी नेत्यांमध्ये अनौपचारिक संवाद होईल, ज्याचा उद्देश आपल्यातील मतभेद शक्य तितके कमी करणे हा आहे. दुसऱ्या दिवशी मुख्य बैठक होणार असून, त्यात विरोधी पक्षांच्या एकजुटीसह २०२४च्या निवडणुकीच्या रणनीतीवर चर्चा होणार आहे.

मुंबईत होणाऱ्या I.N.D.I.A.च्या बैठकीत आघाडीच्या समन्वयकांच्या नावाची घोषणा होऊ शकते. पाटणा आणि बंगळुरू येथे झालेल्या बैठकांमध्ये समन्वयकाच्या नावावर एकमत झाले नाही. आता या बैठकीत समन्वयकाच्या नावाला मंजुरी मिळण्याची शक्यता आहे.

विरोधी आघाडी I.N.D.I.A.मध्ये समाविष्ट पक्ष –

काँग्रेस, तृणमूल काँग्रेस, भारतीय कम्युनिस्ट पक्ष, भारतीय कम्युनिस्ट पक्ष (एम), राष्ट्रवादी काँग्रेस पक्ष (शरद पवार गट), जनता दल युनायटेड, द्रविड मुनेत्र कळघम, आम आदमी पार्टी, इंडियन युनियन मुस्लिम लीग (IUML), केरळ काँग्रेस (एम), झारखंड मुक्ती मोर्चा, शिवसेना (UBT), राष्ट्रीय लोक दल, राष्ट्रीय जनता दल, समाजवादी पक्ष, नॅशनल कॉन्फरन्स, पीडीपी, मरुमलार्ची द्रविड मुनेत्र कळघम, भारतीय शेतकरी आणि मजूर पक्ष, क्रांतिकारी समाजवादी पक्ष (भारत)
विदुथलाई चिरुथाईगल काची, आसाम राष्ट्रीय परिषद, गोवा फॉरवर्ड पार्टी, केरळ काँग्रेस (जेकब), राष्ट्रवादी काँग्रेस केरळ, आंचलिक गण मोर्चा

I.N.D.I.A. Aghadis third meeting in Mumbai today claims about 28 party gathering

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात