भारतातील पहिल्या बुलेट ट्रेनचा पहिला टप्पा तयार; 100 किमीचा पूल, 250 किमीसाठी उभारले खांब|First phase of India's first bullet train ready; Bridge for 100 km, pillars erected for 250 km

भारतातील पहिल्या बुलेट ट्रेनचा पहिला टप्पा तयार; 100 किमीचा पूल, 250 किमीसाठी उभारले खांब

वृत्तसंस्था

मुंबई : भारतातील पहिली बुलेट ट्रेन मुंबई ते अहमदाबाददरम्यान धावणार आहे. पंतप्रधान नरेंद्र मोदी आणि जपानचे पंतप्रधान शिंजो आबे यांनी 14 सप्टेंबर 2017 रोजी अहमदाबादमध्ये या प्रकल्पाचे उद्घाटन केले होते.First phase of India’s first bullet train ready; Bridge for 100 km, pillars erected for 250 km

या प्रकल्पाला मुंबई-अहमदाबाद हाय-स्पीड रेल कॉरिडॉर असे नाव देण्यात आले आहे. प्रकल्पाच्या पहिल्या टप्प्याचे काम सुरू आहे. 100 किलोमीटरचा पूल पूर्ण झाला असून 250 किलोमीटरचा पूल बांधण्यात आला आहे.

मुंबईतील ‘बीकेसी’मध्ये ३२ मीटर खोल बुलेट ट्रेन टर्मिनसच्या कामाला सुरुवात, २०२८ पर्यंत होणार पूर्ण

रेल्वेमंत्री अश्विनी वैष्णव यांनी गुरुवारी बुलेट ट्रेन प्रकल्पाची झलक देणारा व्हिडिओ शेअर केला. तसेच प्रकल्पाशी संबंधित माहितीही शेअर केली.

गर्डरच्या साहाय्याने 100 किमी मार्गाचे बांधकाम पूर्ण

नॅशनल हाय-स्पीड रेल कॉर्पोरेशन लिमिटेड (NHSRCL) नुसार, बुलेट ट्रेन प्रकल्पांतर्गत 40 मीटर लांबीचे फुल स्पॅन बॉक्स गर्डर्स आणि सेगमेंट गर्डर्स जोडून 100 किमी मार्गाची बांधणी करण्यात आली आहे. व्हायाडक्ट ही दोन खांबांना जोडणारी पुलासारखी रचना आहे.

या प्रकल्पांतर्गत गुजरातमधील पार (वलसाड जिल्हा), पूर्णा (नवसारी जिल्हा), मिंधोला (नवसारी जिल्हा), अंबिका (नवसारी जिल्हा), औरंगा (वलसाड जिल्हा) आणि वेंगानिया (नवसारी जिल्हा) या सहा नद्यांवर पूल बांधले जात आहेत. .

गुजरातमधील पहिला डोंगर बोगदा फोडण्याचे कामही पूर्ण

गुजरातमधील वलसाड जिल्ह्यात 350 मीटर लांबीचा पहिला डोंगर बोगदा तोडण्याचे काम पूर्ण झाले असून गुजरातमधील सुरत जिल्ह्यात 70 मीटर लांबीचा पहिला स्टील पूल बांधण्यात आला आहे. मुंबई-अहमदाबाद हाय-स्पीड रेल कॉरिडॉर (MAHSR) चा भाग असणार्‍या 28 स्टील पुलांपैकी हा पहिला पूल आहे.

बुलेट ट्रेन प्रकल्पाची किंमत 1.08 लाख कोटी

मुंबई-अहमदाबाददरम्यान धावणारी बुलेट ट्रेन 508 किलोमीटरचे अंतर तीन तासांत पूर्ण करेल. सध्या दुरांतो दोन शहरांदरम्यान साडेपाच तासांत प्रवास करते. बुलेट ट्रेन प्रकल्पाची किंमत 1.08 लाख कोटी रुपये आहे. या प्रकल्पाचे नाव मुंबई-अहमदाबाद हाय स्पीड रेल (MAHSR) आहे.