अनिल देशमुख ईडीसमोर चौकशीला का हजर राहिले नाहीत? याचें कारण झाले स्पष्ट

विशेष प्रतिनिधी

मुंबई : महाराष्ट्राचे माजी गृहमंत्री अनिल देशमुख यांना पैशांचा गैरव्यवहाराबाबत ईडी कडून नोटीस बजावण्यात येत होत्या. यासंदर्भात ते मुंबई उच्च न्यायालयात चौकशीसाठी हजर राहिले नाहीत. यामागचे कारण देशमुख यांनी स्पष्ट केले आहे.

Anil deshmukh regarding enquiry about money laundering case

अनिल देशमुख म्हणतात की मी ईडीपासून पळत नाही आहे. ते म्हणाले की, मी त्यांच्या कारवाई पासून पळतोय हा गैरसमज आहे. ईडी कडून निःपक्षपातीपणे कारवाई होणार असेल तरच मी त्यांना तपासात सहकार्य करणार असल्याचे त्यांनी न्यायालयाला सांगितले.

Anil Deshmukh : अनिल देशमुख यांच्या वकिलाला आणि अहवाल लिक करणाऱ्या CBI अधिकाऱ्याला १४ दिवसांची न्यायालयीन कोठडी

अनिल देशमुख यांचे वकील विक्रम चौधरी यांनी न्यायमूर्ती नितीन एम जमादार आणि सारंग व्ही कोतवाल यांच्या खंडपीठासमोर युक्तिवाद मांडला. ते म्हणाले की, कुठलाही वैयक्तिक हेतू नसेल अशा लोकांकडूनच देशमुख यांची चौकशी केली जावी. देशमुख यांना जबरदस्तीच्या कारवाई पासून सुरक्षा देण्यात यावी तसेच ईडीने निष्पक्षतेच्या मापदंडाचे पालन करावे अशी मागणी त्यांनी न्यायालयासमोर केली. सूडबुद्धीने आणि मनमानीने ही चौकशी काही अधिकाऱ्यांकडून केली जात आहे असा आरोप देशमुख यांच्या वकिलांनी केला. अनिल देशमुख यांच्याबद्दल चुकीची धारणा निर्माण व्हावी तसेच माध्यमांना ते वाईट व्यक्ती आहेत असे दाखवण्यात यावे यासाठी हे सर्व केले जात आहे असा आरोप त्यांनी केला.