WATCH : फ्रान्समध्ये गेलेल्या पाकच्या माजी लष्करप्रमुख बाजवांना शिवीगाळ, अफगाण नागरिक म्हणाला- जिहादच्या नावाखाली तुम्ही माझा देश उद्ध्वस्त केला|WATCH Former Pakistan army chief Bajwa who went to France abuses, Afghan citizen says - You destroyed my country in the name of Jihad

WATCH : फ्रान्समध्ये गेलेल्या पाकच्या माजी लष्करप्रमुख बाजवांना शिवीगाळ, अफगाण नागरिक म्हणाला- जिहादच्या नावाखाली तुम्ही माझा देश उद्ध्वस्त केला

वृत्तसंस्था

पॅरिस : पाकिस्तानचे माजी लष्करप्रमुख जनरल कमर जावेद बाजवा, जे 8 महिन्यांपूर्वी पाकिस्तानमध्ये सर्वात शक्तिशाली व्यक्ती होते, त्यांना फ्रान्समध्ये अपमानाला सामोरे जावे लागले आहे. बाजवा येथे पत्नी आयेशा अमजदसोबत सुट्टी घालवण्यासाठी आले आहेत.WATCH Former Pakistan army chief Bajwa who went to France abuses, Afghan citizen says – You destroyed my country in the name of Jihad

पॅरिसमधील एका ठिकाणी बाजवा पत्नीसोबत बसले होते. एक अफगाण नागरिक इथे येतो. तो बाजवा यांना उघडपणे शिव्या देतो. बाजवा यांनी पोलिसांना बोलावण्याची धमकी दिली. त्यावर तो म्हणतो – पोलिसांना बोलवा.

फ्रान्समध्ये प्रचंड निदर्शनांदरम्यान राष्ट्रपतींनी केली पेन्शन सुधारणा विधेयकावर स्वाक्षरी, पॅरिससह 200 शहरांमध्ये हिंसाचार

https://twitter.com/TPopalzai1/status/1665588782626664448?s=20

हा अफगाण नागरिक बाजवांना सांगतो की, तुम्ही तालिबानशी हातमिळवणी करून आमचा देश उद्ध्वस्त केला. या घटनेचा व्हिडिओ सोशल मीडियावर व्हायरल होत आहे.

का घडला हा प्रकार?

जनरल बाजवा नोव्हेंबर 2022 पर्यंत लष्करप्रमुख होते. अफगाणिस्तानातून नाटो सैन्याने माघार घेतली आणि तालिबानने सत्ता काबीज केली तोच काळ होता. अमेरिकेने पाकिस्तानवर उघडपणे फसवणूक केल्याचा आरोप केला.

इम्रान खान यांना पाकिस्तानचे पंतप्रधान बनवण्यात जनरल बाजवा आणि आयएसआयचे तत्कालीन प्रमुख लेफ्टनंट जनरल फैज हमीद यांच्या जोडीने महत्त्वाची भूमिका बजावली होती. मात्र, निवृत्तीनंतर जनरल बाजवा हे पाकिस्तानपेक्षा युरोपमध्येच जास्त दिसत आहेत.

बाजवा पत्नी आयशासोबत पॅरिसमधील एका बाजारात फिरत होते. काही वेळ एका जागी ते बसले. त्याचवेळी एक अफगाण नागरिक तेथे पोहोचला. व्हिडिओमध्ये त्याचा चेहरा दिसत नाही. फक्त आवाज ऐकू येतो.
तो आधी बाजवा यांना शिवीगाळ करतो. त्यावर बाजवा म्हणतात- इथून निघून जा, नाहीतर पोलिसांना बोलावेन. तो म्हणतो – पोलिसांना फोन करा, पटकन फोन करा. बाजवा आणि आयेशा पुन्हा मोबाईलकडे पाहू लागतात. 2 मिनिटे 17 सेकंदांच्या या व्हिडीओमध्ये अफगाणी व्यक्ती बाजवा यांना काय म्हणत आहे, हे स्पष्टपणे ऐकू येत आहे. तो बहुतेक पश्तो (अफगाणिस्तानच्या मोठ्या भागात बोलली जाणारी स्थानिक भाषा) मध्ये बोलतो.

या व्यक्तीने बाजवा यांच्यावर तालिबानला मदत करणे, जिहादला प्रोत्साहन देणे आणि मानवी हक्कांचे उल्लंघन केल्याचा आरोप केला आहे. काही वेळाने बाजवा उठतात आणि निघून जातात. ही व्यक्ती मागे फिरते आणि नंतर त्यांना शिवीगाळ करते.