बांगलादेशात हिंदू मंदिरांवर हल्ले, हिंसाचारात तिघे मृत्युमुखी

विशेष प्रतिनिधी

ढाका – बांगलादेशात दुर्गा पूजन उत्सवादरम्यान अज्ञात समाजकंटकांनी मंदिरांची मोडतोड केल्याने मोठा तणाव निर्माण झाला. विविध ठिकाणांवर झालेल्या हिंसाचारादरम्यान तीन जण मरण पावले असून अनेकजण जखमी झाले आहेत. हिंसाचाराच्या घटनांनंतर २२ जिल्ह्यांमध्ये निमलष्करी दले तैनात करण्यात आली आहेत.Hindu temples targets in Bangladesh

एका स्थानिक वृत्तसंकेतस्थळाने दिलेल्या माहितीनुसार ईश्वआरनिंदेच्या आरोपांनंतर कुमिला भागातील मंदिर वादाचे केंद्र बनले होते. यानंतरच दोन गटांमध्ये हिंसाचार भडकला होता. स्थानिक प्रशासनाने पुढाकार घेत ही परिस्थिती नियंत्रणात आणली



चांदपूरमधील हाजीगंज, छत्तोग्राम येथील बंशखळी आणि कोक्स बाजारमधील पेकूआ येथे हिंदू मंदिरांची मोडतोड झाल्याचा आरोप होतो आहे.स्थानिक प्रशासनाने विनंती केल्यास राजधानीमध्येही निमलष्करी दले तैनात केली जाऊ शकतात, अशी माहिती सूत्रांनी दिली.

अष्टमीच्या दिवशी दुर्गा मूर्ती विसर्जनप्रसंगी अनेक पूजा मंडपांमध्ये मोडतोड करण्यात आली. हिंदूंना आता पूजा मंडपांचे संरक्षण करावे लागत असून सगळे जग यावर गप्प आहे, अशी खंत बांगलादेश हिंदू युनिटी कौन्सिलने व्यक्त केली आहे.

Hindu temples targets in Bangladesh

महत्त्वाच्या बातम्या