WATCH : अमेरिकेत चीनचे राष्ट्राध्यक्ष जिनपिंग यांच्यासोबत डिनर करून चर्चेत आलेले भारतवंशीय कोण? वाचा सविस्तर

By, Pravin Wankhade - November 21, 2023 10:00:56

0

विशेष प्रतिनिधी

वॉशिंग्टन : चीनचे राष्ट्राध्यक्ष शी जिनपिंग यांचा नुकताच झालेला अमेरिका दौरा चर्चेत राहिला. 14 नोव्हेंबरला ते अमेरिकेत पोहोचले. जगाच्या नजरा अमेरिकेचे राष्ट्राध्यक्ष जो बायडेन यांच्या भेटीकडे लागल्या होत्या. दरम्यान, जिनपिंग यांनी 15 नोव्हेंबर रोजी सॅन फ्रान्सिस्कोमध्ये अमेरिकन उद्योगपतींसोबत ग्रँड डिनरही केले होते. मात्र सर्वांच्या नजरा या डिनरला उपस्थित असलेल्या एका भारतीय व्यावसायिकावर खिळल्या होत्या.WATCH Who is the Indian who came into the limelight after having dinner with China’s President Xi Jinping in America? Read in detail

यूएस-चीन बिझनेस कौन्सिल आणि यूएस-चीन संबंधांवरील राष्ट्रीय समितीने आयोजित केलेल्या सॅन फ्रान्सिस्कोमध्ये 15 नोव्हेंबर रोजी एक भव्य डिनर आयोजित करण्यात आले होते. अॅपलचे सीईओ टिम कुक यांच्याशिवाय या डिनरला भारतीय वंशाचे राज सुब्रमण्यम यांच्यासह अनेक अमेरिकन कंपन्यांचे प्रसिद्ध उद्योगपती उपस्थित होते. FedEx चे CEO हे भारतीय वंशाचे एकमेव अमेरिकन उद्योजक होते जे या डिनरला उपस्थित होते.

चीनचे राष्ट्राध्यक्ष शी जिनपिंग नाही, तर पंतप्रधान ली कियांग G 20 शिखर परिषदेला उपस्थित राहणार

एका भारतीयाने चिनी राष्ट्राध्यक्षांच्या खासगी डिनरला हजेरी लावल्याचे वृत्त प्रसिद्ध झाल्यापासून राज सुब्रमण्यम हे चर्चेत आले आहेत. राज यांना यावर्षीचा प्रतिष्ठित प्रवासी भारतीय सन्मान पुरस्कार जाहीर झाला आहे. हा सन्मान भारतीय वंशाच्या लोकांना भारताने दिलेला नागरी सन्मान आहे.

🔴 NOW: President Xi Gives Speech At Welcome Dinner In San Francisco

In attendance are Apple CEO Tim Cook, Boeing CEO Stan Deal, and Fed Ex CEO Raj Subramaniam. Elon Musk is also expected to make an appearance. pic.twitter.com/hf9naiAhDY

— Dailynews65 (@DailyNews65) November 16, 2023

राज कुरिअर फ्रँचायझी FedEx कंपनीचे सीईओ आणि अध्यक्ष आहेत. कंपनीचे संस्थापक डब्ल्यू स्मिथ यांनी पदावरून पायउतार झाल्यानंतर गेल्या महिन्यात त्यांनी हे पद स्वीकारले.

राज व्यतिरिक्त अॅपलचे सीईओ टिम कुक, फायझरचे सीईओ अल्बर्ट, सेल्सफोर्सचे सीईओ मार्क बेनिऑफ, बोईंगचे सीईओ स्टॅनले डील, ब्लॅकस्टोनचे सीईओ स्टीफन, मास्टरकार्डचे मेरिट जेनो शी जिनपिंग यांच्या खासगी

डिनरमध्ये सहभागी झाले होते.

अनेक रिपोर्ट्समध्ये असेही सांगण्यात आले आहे की या व्यावसायिकांनी जिनपिंग यांच्यासोबतच्या डिनरला उपस्थित राहण्यासाठी 40,000 डॉलर्स दिले आहेत. मात्र, या दाव्याला अद्याप पुष्टी मिळालेली नाही.

कोण आहेत राज सुब्रमण्यम?

राज यांचा जन्म 14 सप्टेंबर 1967 रोजी केरळमध्ये झाला. त्यांचे पूर्ण नाव राजेश सुब्रमण्यम. केरळचे माजी डीजीपी सी. सुब्रमण्यम यांचे ते सुपुत्र आहेत. सी. सुब्रमण्यम हे 1991 ते 1993 पर्यंत केरळ पोलिसांचे प्रमुख होते. त्यांची आई राज्याच्या आरोग्य विभागाच्या मुख्य अधिकारी राहिल्या आहेत.

केरळमधील पलक्कड येथील रहिवासी असलेले राज सुब्रमण्यम 1960 च्या दशकात तिरुअनंतपुरम येथे स्थलांतरित झाले. येथील शालेय शिक्षणानंतर त्यांनी आयआयटी मुंबईतून केमिकल इंजिनीअरिंगचे शिक्षण घेतले आणि नंतर उच्च शिक्षणासाठी अमेरिकेला गेले. त्यांचा मुलगा अर्जुन राजेश आणि भाऊ राजीव हेदेखील FedEx शी संबंधित आहेत.

सुब्रमण्यम यांनी 1991 मध्ये FedEx जॉईन केले. त्यांना 2020 मध्ये FedEx संचालक मंडळात समाविष्ट करण्यात आले. कंपनीच्या सीईओ आणि अध्यक्षाव्यतिरिक्त, त्यांच्या कंपनीमध्ये इतर अनेक भूमिका आहेत.