दोन्ही नेत्यांची ओव्हल ऑफिसमध्ये झाली भेट
विशेष प्रतिनिधी
Donald Trump अमेरिकेचे राष्ट्राध्यक्ष जो बायडेन आणि डोनाल्ड ट्रम्प यांची व्हाईट हाऊसमध्ये भेट झाली. अध्यक्षीय निवडणुकीत डोनाल्ड ट्रम्प यांच्या विजयानंतर जो बायडेन यांच्याशी त्यांची ही पहिलीच भेट होती. ओव्हल ऑफिसमध्ये झालेल्या या बैठकीत दोन्ही नेत्यांनी प्रेमाने भेटून हस्तांदोलन केले. डोनाल्ड ट्रम्प यांच्या अध्यक्षीय निवडणुकीत विजयाबद्दल जो बायडेन यांनी त्यांचे अभिनंदन केले. यावेळी दोन्ही नेत्यांनी अमेरिकन परंपरेनुसार सुरळीतपणे सत्ता हस्तांतरण करण्याचा संकल्प व्यक्त केला. एका संक्षिप्त बैठकीत, दोन्ही नेत्यांनी 20 जानेवारी रोजी शांततेत सत्ता हस्तांतरण करण्याचे आश्वासन दिले. Donald Trump
ट्रम्प म्हणाले की “राजकारण कठीण आहे आणि ते नेहमीच चांगले जग नसते, परंतु आजचे हे एक जग चांगले आहे.” वास्तविक ही बैठक म्हणजे शांततापूर्ण सत्ता हस्तांतरणाचा पारंपारिक भाग आहे. मात्र, याआधी गेल्या टर्ममध्ये खुद्द डोनाल्ड ट्रम्प यांनी या पारंपरिक बैठकीत जो बायडेन यांना भेटण्यास नकार दिला होता.
दोन्ही नेते व्हाईट हाऊसमधील फायरप्लेससमोर पिवळ्या खुर्च्यांवर बसले होते. बायडेन यांनी ट्रम्प यांना सांगितले की “त्यांची टीम तुम्हाला सुविधा मिळतील याची खात्री करण्यासाठी सर्वतोपरी प्रयत्न करेल आणि त्यांना आवश्यक असलेल्या सर्व गोष्टी त्यांच्याकडे असतील. अभिनंदन आणि मी एका सहज हस्तांतरणाची वाट पाहत आहे.”असं बायडेन म्हणाले.
To be published, comments must be reviewed by the administrator.*
Our website uses cookies to improve your experience. Learn more
Download App
