फ्रान्सचे सर्वात तरुण पंतप्रधान बनले गॅब्रियल; शिक्षणमंत्री असताना मुस्लिम पोशाखावर घातली होती बंदी

By, Pravin Wankhade - January 10, 2024 12:00:44

0

वृत्तसंस्था

पॅरिस : 34 वर्षीय गॅब्रियल अत्तल फ्रान्सचे सर्वात तरुण पंतप्रधान असतील. इमिग्रेशन कायद्यांवरील गोंधळानंतर पंतप्रधान एलिझाबेथ बॉर्न यांनी सोमवारी राजीनामा दिला. यानंतर मंगळवारी राष्ट्रपती इमॅन्युएल मॅक्रॉन यांनी शिक्षणमंत्री अत्तल यांची पंतप्रधानपदी नियुक्ती केली. युरोपियन संसदेच्या निवडणूक तयारीशी हा बदल जोडला जात आहे. वयाच्या 32व्या वर्षी शिक्षणमंत्री झालेल्या अत्तल यांनी स्वतःला समलैंगिक घोषित केले आहे.Gabriel became the youngest Prime Minister of France; Muslim dress was banned when he was Education Minister

इस्रायल आणि हमास यांच्यात युद्धविराम प्रस्थापित करण्याचे प्रयत्न तीव्र! फ्रान्सचे राष्ट्राध्यक्ष कतारला रवाना

2027 मध्ये राष्ट्रपतिपदाचे प्रबळ दावेदार, धर्मनिरपेक्षतेबाबत कठोर, देशाचे पहिले समलैंगिक पंतप्रधान गॅब्रियल अत्तल फ्रान्स राजकारणातील एक उगवता तारा आहेत. शिक्षणमंत्री असताना 5 महिन्यांतच शाळांमध्ये मुस्लिम मुलींनी परिधान केलेल्या अबाया या पोशाखावर बंदी घालण्यात आली. गणवेश अनिवार्य करून प्रसिद्धीच्या झोतात आले. शाळेतील मुलांच्या बेशिस्तपणाविरोधातही मोहीम सुरू केली. नुकत्याच दिलेल्या एका मुलाखतीत अत्तल यांनी सांगितले होते की, ते स्वतः शाळेत गुंडगिरीला बळी पडले होते. यानंतर, त्यांनी पॅरिसच्या प्रतिष्ठित को-एड स्कूल इकोले अल्सेसियनला गोत्यात आणले. 17व्या वर्षी राजकारणात आलेले अत्तल यांनी वयाच्या 23व्या वर्षी कारकीर्दीचा आलेख उंचावण्यास सुरुवात केली, जेव्हा त्यांची आरोग्य मंत्रालयात सल्लागार म्हणून नियुक्ती झाली. अत्तलना लहानपणीच अभिनेता व्हायचे होते आणि राष्ट्राध्यक्ष मॅक्रॉन यांचा त्यांच्यावर खूप प्रभाव होता. योगायोगाने पुढे ते त्यांचे राजकीय गुरूही झाले. त्यामुळे त्यांना ‘मिनी मॅक्रॉन’ म्हणून ओळखले जाते.

2017 मध्ये ते शिक्षणात कनिष्ठ मंत्रिपद भूषवणारे सर्वात तरुण मंत्री बनले. गेल्या जुलैमध्ये त्यांना शिक्षणमंत्रिपदाची जबाबदारी देण्यात आली होती. अत्तल यांचे वडील ज्यू वंशाचे होते आणि आई ग्रीक-रशियन होती. एका मुलाखतीत त्यांनी सांगितले होते की, ते ज्यू असल्यामुळे त्यांना आव्हानांना सामोरे जावे लागले. त्यांचा एक मित्र सांगतो, त्यांचा परंपरांवर अजिबात विश्वास नाही. स्वीकारलेल्या मूल्यांना आव्हान देण्यात त्यांना आनंद मिळतो. 2027 मध्ये फ्रान्सच्या अध्यक्षपदासाठी ते दावेदार असतील, अशी चर्चा होत आहे.

वास्तविक, मॅक्रॉन दोन टर्मनंतर निवडणूक लढवू शकणार नाहीत. अशा स्थितीत ते त्यांच्या रेनेसा पक्षाचा प्रमुख चेहरा होऊ शकतात. देशाच्या धर्मनिरपेक्ष समाजाच्या परंपरा जपण्याचा त्यांचा निर्धार असल्याचे त्यांनी अनेकदा सांगितले आहे.