तालिबानच्या घोषणा, मजकुरामुळे फेसबुक धास्तावले, समर्थक माहितीवर बंदी घालण्याचा आदेश|Face Book bans Taliban for information sharing

तालिबानच्या घोषणा, मजकुरामुळे फेसबुक धास्तावले, समर्थक माहितीवर बंदी घालण्याचा आदेश

विशेष प्रतिनिधी

लंडन – तालिबानचे नेते घोषणा करण्यासाठी फेसबुक आणि ट्विटरसारख्या समाजमाध्यमांचा मोठ्या प्रमाणावर वापर करत असल्याचे आढळून आल्यानंतर या बड्या कंपन्या सावध झाल्या आहेत.Face Book bans Taliban for information sharing

फेसबुकने आता तालिबान आणि त्यांच्याशी संबंधित मजकूर व्हायरल करण्यावर पूर्णपणे बंदी घातली आहे. तालिबानशी संबंधित मजकुरावर लक्ष ठेवण्याबरोबरच तो हटविण्यासाठी फेसबुकने एक वेगळी टीमच तयार केली आहे.

रशियाला आला तालीबानचा पुळका, तालिबानच्या नियंत्रणात काबुलची स्थिती चांगली असल्याचे दिले सर्टिफिकेट

स्थानिक दारी आणि पश्तून भाषेची माहिती असणारे लोक नेमण्यात आले असून ते स्थानिक कंटेटवर लक्ष ठेवण्याचे काम करतील. इन्स्टाग्राम आणि व्हॉट्सॲपला देखील हेच धोरण लागू करण्यात आले आहे.

अमेरिकी कायद्यानुसार तालिबानवर बंदी घालण्यात आली आहे. या संघटनेकडून चालविण्यात येणारी अकाउंट हटविण्यात येतील तसेच त्यांची स्तुती करणारा, त्यांना पाठिंबा देणारा मजकूर काढून टाकण्यात येईल, असे फेसबुकच्या प्रवक्त्याने सांगितले.