एलन मस्क भारतात पुरवणार सॅटेलाइट इंटरनेट सेवा; स्टारलिंक कंपनीला लवकरच परवाना मिळण्याची शक्यता|Elon Musk to provide satellite internet service in India; Starlink company likely to get license soon

एलन मस्क भारतात पुरवणार सॅटेलाइट इंटरनेट सेवा; स्टारलिंक कंपनीला लवकरच परवाना मिळण्याची शक्यता

वृत्तसंस्था

नवी दिल्ली : एलन मस्क यांची कंपनी स्टारलिंकला लवकरच देशात व्हॉइस आणि डेटा कम्युनिकेशन सेवा देण्यासाठी परवाना मिळू शकतो. डेटा स्टोअरेज आणि ट्रान्सफर नॉर्म्सवर स्टारलिंककडून मिळालेल्या प्रतिसादावर भारत सरकार समाधानी असल्याचे ET अहवालात म्हटले आहे.Elon Musk to provide satellite internet service in India; Starlink company likely to get license soon

एका सरकारी अधिकाऱ्याने सांगितले की, ‘स्टारलिंकने आमच्या प्रश्नांना दिलेले प्रतिसाद समाधानकारक आहेत…सुरक्षा तपासणी पूर्ण झाल्यानंतर कंपनीला सेवा देण्यासाठी ग्लोबल मोबाइल पर्सनल कम्युनिकेशन बाय सॅटेलाइट सर्व्हिसेस (GMPCS) परवाना दिला जाईल.’

भारत-कॅनडा वादादरम्यान जस्टिन ट्रुडोंवर संतापले एलन मस्क, म्हणाले- ते अभिव्यक्ती स्वातंत्र्य गळचेपी करत आहेत

परवाना मिळवणारी GMPCS ही तिसरी कंपनी असेल

स्टारलिंक ही SpaceX ची उपकंपनी आहे. परवाना मिळाल्यानंतर ती भारतातील व्यक्ती आणि संस्थांना उपग्रह ब्रॉडबँड, व्हॉइस आणि संदेश सेवा प्रदान करण्यास सक्षम असेल. मंजूर झाल्यास स्टारलिंक ही GMPCS परवाना प्राप्त करणारी तिसरी कंपनी असेल.

एअरटेल आणि जिओला मिळाला हा परवाना

यापूर्वी भारती एअरटेल समर्थित कंपनी वनवेब आणि रिलायन्स जिओ यांना उपग्रह सेवा प्रदान करण्याचा परवाना मिळाला आहे. दुसरीकडे, जेफ बेझोस यांच्या कंपनी अमेझॉननेही दूरसंचार विभागाकडे परवान्यासाठी अर्ज केला आहे, मात्र सरकारने अद्याप त्यावर चर्चा केलेली नाही.

सेवांसाठी IN-SPACE कडूनही मंजुरी आवश्यक

सॅटकॉम सेवा प्रदात्यांना स्वायत्त स्पेस रेग्युलेटर इंडियन स्पेस रेग्युलेटर इंडिया (IN-SPACE) कडूनही मंजुरी आवश्यक आहे. यानंतर कंपन्यांना दूरसंचार विभागाकडून स्पेक्ट्रम वाटपाची प्रतीक्षा करावी लागेल.

देशातील उपग्रह सेवांसाठी स्पेक्ट्रम किंवा रेडिओ फ्रिक्वेन्सीचे वाटप कसे करावे याबद्दल सरकार भारतीय दूरसंचार नियामक प्राधिकरण (TRAI) च्या शिफारशींची वाट पाहत आहे. तथापि, ट्रायला नवीन अध्यक्ष मिळेपर्यंत शिफारसी येण्याची शक्यता नाही.