आसाम पोलिसांविरुद्ध मिझोरामची कारवाई नाही, सीमावादावरील तणाव शमण्याची चिन्हे

By, Sachin Deshmukh - August 25, 2021 08:03:41

0

विशेष प्रतिनिधी

ऐजवाल – बांधकाम साहित्याची चोरी केल्याप्रकरणी आसाम पोलिसांविरुद्ध कोणतीही कायदेशीर कारवाई केली जाणार नाही, असे स्पष्टीकरण मिझोराम पोलिसांनी दिले. पुलाच्या बांधकामासाठीचे हे साहित्य मिझोराम पोलिसांकडे सुपूर्द केल्याची माहिती राज्यातील कोलासिब जिल्हा पोलिस अधीक्षकांनी दिली.Assam – Mizo police tension get melted

आसाम व मिझोराम या दोन एकमेकांशेजारी असलेल्या राज्यात बांधकाम साहित्याच्या चोरीवरून नवीन वाद निर्माण झाला होता. आसामने आपल्या हद्दीतून पुलाच्या बांधकामाचे साहित्य चोरल्याचा दावा मिझोराम सरकारने केला होता. आसाम पोलिसांनी मिझोराममधील बैराबी शहराजवळील झोफाई गावात प्रवेश करून हे साहित्य चोरल्याचा दावा मिझोरामच्या कोलासिबच्या उपायुक्तांनी केला होता.

आसाम आणि मिझोराम सरकारांचे सीमावादावर तोडग्यासाठी पुढचे पाऊल; वादग्रस्त भागात पोलिसांचा गस्ती नाही

याप्रकरणी आसाम पोलिसांविरुद्ध गुन्हा नोंदविला असून तो आता मागे घेता येऊ शकत नाही. मात्र, याप्रकरणी अधिक तपास किंवा पुढील कायदेशीर कारवाई केली जाणार नाही, असेही त्यांनी सांगितले. मिझोरामच्या झोफाईची सीमा आसाममधील हैलाकंडी जिल्ह्यातील कचुरथालला लागून आहे. यासंदर्भात कोलासिबच्या उपायुक्तांनी आसामच्या हैलाकंडीच्या उपायुक्तांनाही पत्र लिहून आवश्यक कारवाईची मागणी केली होती.