Al Qaeda-ISIS : अमेरिकेचे सीरियात 2 हवाई हल्ले, अल कायदा-ISISच्या 37 दहशतवाद्यांच्या मृत्यू, अल कायदा गटाचा प्रमुख नेताही ठार

By, Pravin Pawar - October 1, 2024 05:00:04

0

वृत्तसंस्था

वॉशिंग्टन : सीरियन इस्लामिक स्टेट आणि अल कायदाशी ( Al Qaeda-ISIS ) संबंधित दहशतवादी गटांच्या तळांवर अमेरिकेने हल्ला केला. यामध्ये 37 दहशतवादी मारले गेले आहेत. अमेरिकन सैन्याने रविवारी सांगितले की त्यांनी दोन वेगवेगळ्या दिवशी सीरियामध्ये ऑपरेशन केले.

यूएस सेंट्रल कमांडच्या म्हणण्यानुसार, 16 सप्टेंबर रोजी मध्य सीरियामध्ये ISIS च्या प्रशिक्षण केंद्रावर हवाई हल्ला करण्यात आला. यामध्ये 28 दहशतवादी मारले गेले. यानंतर 24 सप्टेंबर रोजी अमेरिकन लष्कराने उत्तर-पश्चिम सीरियावर हल्ला केला, ज्यामध्ये अल कायदा गटाचे 9 दहशतवादी मारले गेले.

Shri Krishna Janmabhoomi : श्रीकृष्ण जन्मभूमी-शाही ईदगाहप्रकरणी 16 ऑक्टोबरला सुनावणी, मुस्लीम बाजूकडून फेरमतदान अर्जावर न्यायालयात वाद

24 सप्टेंबरला मारल्या गेलेल्या एका दहशतवाद्याची ओळखही समोर आली आहे. या हल्ल्यात अल कायदा संघटनेशी संबंधित हुर्रास अल-दिनचा प्रमुख नेता ‘अब्द-अल-रौफ’ मारला गेला आहे, अशी माहिती अमेरिकन लष्कराने दिली आहे.

74% सुन्नी आणि 10% शिया लोकसंख्या असलेला सीरिया हा मुस्लिम बहुसंख्य देश आहे. अत्यंत कमी लोकसंख्या असूनही, सीरियामध्ये शिया नेता बशर अल-असदचे राज्य आहे. बशरला हटवण्यासाठी २०११ मध्ये सीरियात संघर्ष सुरू झाला. पण तरीही ते सत्तेत आहेत. मात्र, याची मोठी किंमत देशाला चुकवावी लागली आहे.

व्हॉईस ऑफ अमेरिकाच्या म्हणण्यानुसार, फेब्रुवारी 1966 मध्ये सीरियात सत्तापालट झाला होता. त्यावेळी सीरियन हवाई दलाचा कमांडर हाफिज असद याचाही यात सहभाग होता. सत्तापालटानंतर हाफिजला सीरियाचे संरक्षण मंत्री करण्यात आले.

चार वर्षांनंतर 1970 मध्ये, हाफेज असद यांनी दुसऱ्या सत्तापालटाचे नेतृत्व केले आणि अध्यक्ष सलाह हदीदची जागा घेतली. हाफिज असदने बाथ पार्टी वगळता इतर सर्व पक्षांना संपवले. त्याने आपल्या विरोधकांना मारले आणि निवडकपणे शिया लोकांना सत्तेवर बसवले.