मोदींच्या महापँकेजमध्ये असेल तरी काय? निर्मला सीतारमण दुपारी ४.०० वाजता तपशील करणार जाहीर

विशेष प्रतिनिधी

शेतकरी, मजूर, कामगार, सुक्ष्म, लघु, मध्यम, मोठे उद्योग या सर्वांसाठी २० लाख कोटींचे महापँकेज जाहीर करून १३० कोटी जनतेच्या अपेक्षा वाढवून ठेवल्या आहेत.
आता उत्सुकता आहे, या महापँकेजमध्ये नेमके असेल तरी काय? आजच्या केंद्रीय मंत्रिमंडळाच्या बैठकीनंतर अर्थमंत्री निर्मला सीतारमण महापँकेजमधील तपशील जाहीर करतील, ते १६ लाख कोटी रुपयांचे असतील.
गरीबांच्या खात्यात पैसा जमा होईल. शेती, उद्योगांना सवलती मिळतील. त्यांना वाढीव पतपुरवठा केला जाईल.
लघु, मध्यम आणि मोठ्या उद्योगांना पैसा, खेळते भांडवल वाढविणे, पतपुरवठा या स्वरूपाची मदत केली जाईल.
भारत केवळ १३० कोटी लोकसंख्येचा ग्राहक देश बनून राहणार नाही. तर त्याचे investment destination मध्ये रूपांतर करण्याची महत्त्वाकांक्षी योजना आहे. यात विमा क्षेत्रातील परकीय गुंतवणूक ७४% वरून वाढविण्याचाही मनसूबा आहे. कृषिविम्याचे नेट वाढवून शेतकरी – ग्राहक साखळी मजबूत करण्याची या महापँकेजमध्ये घोषणा अपेक्षित आहे.