मुंबई – ठाणे जोडणारी मेट्रो; मेट्रो मार्ग 4 आणि 4 अ… वेळ आणि ऊर्जा वाचवणारा विकासमार्ग

By, Pravin Wankhade - September 22, 2025 09:00:59

0

विशेष प्रतिनिधी

मुंबई : मुख्यमंत्री देवेंद्र फडणवीस यांच्या प्रमुख उपस्थितीत एमएमआरडीएच्या ‘मेट्रो मार्ग-4 व 4 अ, टप्पा-1, गायमुख ते विजय गार्डन स्टेशन पर्यंत मेट्रोची तांत्रिक तपासणी पार पडली, यावेळी त्यांनी चाचणीचा शुभारंभ केला. यावेळी उपमुख्यमंत्री एकनाथ शिंदे, परिवहन मंत्री प्रताप सरनाईक हे देखील उपस्थित होते.Metro connecting Mumbai – Thane

राज्यात ‘ग्रीन स्टील’मध्ये ₹80,962 कोटींच्या गुंतवणुकीतून 90,300 रोजगार निर्मिती सुनिश्चित; मुख्यमंत्री फडणवीस यांची ग्वाही

मेट्रो मार्ग 4 आणि 4 अ ची वैशिष्ट्ये :

– मेट्रो मार्ग 4 (32.32 किमी) व 4 अ (2.88 किमी) मिळून एकूण 35.20 किमी लांबीचा प्रकल्प

– 8 डब्यांची मेट्रो, एकूण 32 स्थानके, सुमारे ₹16,000 कोटी खर्च

– दररोज जवळपास 13.43 लाख प्रवासी प्रवास करतील

– मोगरपाडा येथे 45 हेक्टर जागेवर डेपो, ज्यातून मेट्रो 4, 4अ, 10 व 11 चे व्यवस्थापन होणार

– पूर्व उपनगर, पश्चिम उपनगर, मुंबई आणि ठाणे शहर जोडणारी मेट्रो

– वडाळा ते सीएसएमटी जोडणाऱ्या मेट्रो 11 शी जोडणी झाल्यावर देशातील सर्वात लांब 58 किमी मेट्रो कॉरिडॉर तयार होणार

– प्रवासाचा वेळ 50–75% कमी, रस्त्यावरच्या वाहतुकीवरील ताण कमी

एमएमआरडीएने अनेक अडचणींवर मात करून ‘मेट्रो मार्ग 4 आणि 4ज्ञअ‌ चे काम पुढे नेल्याबद्दल त्यांचे अभिनंदन करत मुख्यमंत्री फडणवीस यांनी निर्देश दिले की, हे काम अधिक वेगाने पूर्ण करावे, जेणेकरून ठाणेकर आणि मुंबईकर यांना या महत्त्वपूर्ण वाहतूक सुविधेचा लाभ लवकर मिळेल. मुख्यमंत्री फडणवीस यांनी यावेळी सांगितले की, ठाणे रिंग मेट्रोला देखील केंद्र सरकारने मान्यता दिली आहे.

यावेळी उपमुख्यमंत्री एकनाथ शिंदे, मंत्री प्रताप सरनाईक, आमदार निरंजन डावखरे आणि इतर मान्यवर उपस्थित होते.