Operation Sindoor : ऑपरेशन सिंदूर बद्दल मोठा खुलासा! भारताने 5 लढाऊ विमाने, 1 C-130 विमान पाडले

By, Pravin Wankhade - June 4, 2025 11:30:51

0

भारतीय सैन्याने पाकिस्तानचे AWACS देखील पाडले

विशेष प्रतिनिधी

नवी दिल्ली : Operation Sindoor पहलगाममधील दहशतवादी हल्ल्याला प्रत्युत्तर म्हणून, भारताने ऑपरेशन सिंदूर अंतर्गत पाकिस्तानमध्ये असा काही विनाश घडवला, जो पाकिस्तान शतकानुशतके विसरू शकणार नाही. भारतीय सैन्याने पाकिस्तानमधील दहशतवादी तळं, लष्करी छावण्या आणि अनेक हवाई तळं उद्ध्वस्त केली. आता ऑपरेशन सिंदूरमध्ये पाकिस्तानी हवाई दलाचे एकूण किती नुकसान झाले याचे मूल्यांकन करण्यात आले आहे.Operation Sindoor

सूत्रांच्या माहितीनुसार, ऑपरेशन सिंदूर अंतर्गत केलेल्या कारवाईत भारतीय सैन्याने पाकिस्तानचे किमान ५ लढाऊ विमाने, एक C-१३० आणि एक AWACS विमान पाडले. याशिवाय, पाकिस्तानने १० लढाऊ ड्रोन देखील गमावले. हे मूल्यांकन एका नवीन पद्धतीने केले गेले आहे.

Devendra Fadnavis : ब्राह्मण समाजाचे काम दुधात साखरे सारखे, मुख्यमंत्री देवेंद्र फडणवीस यांचे प्रतिपादन

यापूर्वी, . ६-७ मे रोजी झालेल्या अवकाशातील लढाईत पाकिस्तानची किमान ०२ लढाऊ विमाने पाडण्यात आली होती. त्यानंतर ८-९ मे रोजी ऑपरेशन सिंदूर पार्ट-२ मध्ये आणखी तीन विमाने पाडण्यात आली.

भारतीय लष्कराने पाकिस्तानची दोन JF-१७ लढाऊ विमाने पाडली. यामध्ये, एक विमान अवकाशातच पाडण्यात आले आणि दुसरे जकोकाबाद येथील शाहबाज एअरबेसवर उड्डाण करण्याच्या तयारीत असताना नष्ट झाले. यामध्ये पाकिस्तानचे स्क्वाड्रन लीडर उस्मान युसूफसह एकूण ०५ हवाई दलाचे जवान मारले गेले.

याशिवाय, भारताने पाकिस्तानचे एक मिराज लढाऊ विमान, एक AWACS विमान आणि एक C-१३० लष्करी वाहतूक विमान पाडले. पाकिस्तानी हवाई दलाच्या माजी एअर मार्शलने स्वतः खुलासा केला की भारताने त्यांचे एक AWACS विमान पाडले.

भारतीय लष्कराने अवघ्या ८ तासांत पाकिस्तानला कसे गुडघे टेकले हे देखील सीडीएस अनिल चौधरी यांनी स्पष्ट केले. ते म्हणाले, “१० मे च्या रात्री पाकिस्तानला जाणवले की जर भारताने आपल्या कारवाया सुरू ठेवल्या तर त्यांचे खूप नुकसान होईल. या भीतीमुळे पाकिस्तानने भारताशी चर्चा केली. जेव्हा पाकिस्तानकडून चर्चेसाठी आणि तणाव कमी करण्यासाठी विनंती आली तेव्हा आम्ही ती स्वीकारली.”