भाज्यांचे भाव गगनाला भिडले, सरकारने संसदेत स्पष्ट केले कारण

By, Pravin Wankhade - July 25, 2024 09:00:54

0

जाणून घेऊया भाज्यांचे भाव वाढण्याची कारणे…

विशेष प्रतिनिधी

नवी दिल्ली : देशात भाज्यांचे भाव गगनाला भिडले आहेत. बटाटे, कांदा, टोमॅटोच्या दरात मोठी वाढ झाली आहे. स्वयंपाकघरात रोज वापरल्या जाणाऱ्या भाज्यांच्या दरात १५ ते ५८ टक्क्यांनी वाढ झाली आहे. भाव वाढण्यामागे अनेक कारणे आहेत. पहिले आणि महत्त्वाचे कारण म्हणजे मान्सून. मात्र, ही परिस्थिती तात्पुरती असल्याचे केंद्र सरकारचे म्हणणे आहे. लवकरच किमती नियंत्रणात येतील.Vegetable prices rise government explains reasons in Parliament

जेट विमानांच्या इंधनाचे दर गगनाला; प्रवासी भाड्यात वाढ होण्याची धास्ती; युक्रेन युद्धाचा मोठा परिणाम

आर्थिक सर्वेक्षण नुकतेच संसदेत सादर करण्यात आले. त्यात सरकारने भाज्यांच्या वाढत्या दराचे कारण दिले. त्यांनी सांगितले की, गेल्या दोन वर्षांपासून खराब हवामान आहे, जलाशयांची पाणी पातळी कमी होत आहे. पिकांचे नुकसान होत आहे. या कारणास्तव भाव वाढत आहेत. खराब हवामानामुळे भाजीपाला आणि डाळींच्या उत्पादनावर परिणाम झाला आहे. 2023-2024 या वर्षात खराब हवामानाच्या अनेक घटना घडल्याचे अहवालात स्पष्ट झाले आहे. यामुळे पिकांचे सर्वाधिक नुकसान झाले आहे. हवामान बदलामुळे खाद्यपदार्थांच्या किमती वाढत असल्याचे पाहणी अहवालात सांगण्यात आले. पिकावरील रोग हे देखील एक महत्त्वाचे कारण आहे. त्यामुळे टोमॅटोसह इतर भाज्यांच्या दरावर परिणाम झाला आहे.

प्रचंड उकाडा आणि पावसाअभावी पाण्यामुळे पिकांचे नुकसान झाले. आझादपूर मंडीचे घाऊक विक्रेते भगत सांगतात की, बहुतांश टोमॅटो हिमाचलमधून आयात केले जातात. यावेळी तेथे पिके सुकली. कारण, पाऊस पडला नाही आणि खूप उष्णता होती. त्यामुळे अनेक झाडे सुकून गेली. भाजीपाल्यांच्या भावामुळे घरचे बजेटही बिघडले आहे. एका महिलेने सांगितले की, आता मी मर्यादित प्रमाणातच भाजी घेत आहे. त्याचवेळी आणखी एका तरुणाने सांगितले की, पूर्वी आठवडाभराची भाजी 200-300 रुपयांना विकत घेतली जायची, पण आता तेवढ्या पैशात पिशवीही नीट भरत नाही.