Union Budget 2023 : महिलांचा सन्मान वाढविणे हे अर्थसंकल्पाचे सर्वोत्तम वैशिष्ट्य!!; विजया रहाटकर यांचे प्रतिपादन

By, Pravin Wankhade - February 1, 2023 06:55:55

0

प्रतिनिधी

छत्रपती संभाजीनगर : केंद्रीय अर्थमंत्री निर्मला सीतारामन यांनी मांडलेल्या अर्थसंकल्पातून सर्वसामान्य नागरिकांपासून ते शेतकऱ्यांपर्यंत आणि किरकोळ व्यापाऱ्यापासून ते उद्योजकांपर्यंत प्रत्येकाला काही ना काही मिळाले आहे. पण त्याचे सर्वात महत्त्वाचे वैशिष्ट्य म्हणजे महिलांचा सन्मान वाढवणारा हा अर्थसंकल्प आहे, अशा शब्दात भाजपच्या राष्ट्रीय सचिव, राजस्थानच्या सहप्रभारी आणि छत्रपती संभाजीनगरच्या माजी महापौर विजया रहाटकर यांनी वर्णन केले आहे. Union Budget 2023: Uplifting the dignity of women is the best feature of the budget

स्वातंत्र्याच्या अमृत महोत्सवाअंतर्गत महिला सन्मान बचत पत्र जारी करण्याची घोषणा केंद्रीय अर्थमंत्री निर्मला सीतारामन यांनी केली आहे. या अंतर्गत दोन लाख रुपये महिला किंवा मुलीच्या नावावर दोन वर्षांसाठी जमा करता येतील. 𝟕.𝟕𝟓 % व्याज सरकार देणार आहे. महिलांचे आर्थिक क्षमता त्याच्यामुळे वाढणार आहे महिला बचत गटांच्या सर्वांगीण विकासासाठी नवी तरतूद करण्यात आली आहे, याकडे विजय रहाटकर यांनी विशेषत्वाने लक्ष घेतले आहे.

Union Budget 2023 : संरक्षण क्षेत्रासाठी 13 % वाढीतून 5.94 लाख कोटींची तरतूद!!

अर्थसंकल्पाबाबत आपले निरीक्षण नोंदवताना विजया रहाटकर म्हणतात :

अर्थसंकल्पाचे भाषण ऐकताना प्रत्येक भारतीयाची मान अभिमानाने उंचावत होती. देशातील नागरिकांचे दरडोई उत्पन्न 9 वर्षांत दुप्पट होऊन 1.97 लाख रुपये झाले आहे.
स्वच्छ भारत मिशन अंतर्गत 11.7 कोटी घरगुती शौचालये बांधण्यात आली आहेत. उज्ज्वला अंतर्गत 9.6 कोटी एलपीजी कनेक्शन दिले आहेत. केंद्र सरकारच्या या सगळ्या योजनांचा सर्वाधिक फायदा महिलांना होत आहे.
कृषी क्षेत्रात यंदाच्या भरड धान्य वर्षांचं औचित्य साधून त्यांच्या लागवड, साठवण आणि वितरण विक्री साठी सुविधा उपलब्ध करुन देण्यात येणार आहेत. भारतीय अन्न जगाच्या पटलावर जाणार आहे.
मध्यमवर्गीयांसाठी हा अर्थसंकल्प क्रांतिकारी आहे. गेल्या अनेक वर्षांपासून आयकर मर्यादा वाढविण्याची मागणी होत होती. मोदी सरकारने ती पूर्ण केली आहे. सात लाख रुपयांपर्यंतचे उत्पन्न आता करमुक्त होणार आहे.
विदर्भ आणि मराठवाड्यातील दुष्काळग्रस्त जिल्ह्यांसाठी सिंचन योजना साठी विशेष पॅकेज दिले जाणार आहे. त्यामुळे या भागाचा सिंचनाचा अनुशेष कमी होईल.
हाताने मैला उचलण्याची पद्धत बंद करून मशीनद्वारे मैला उचलला जाण्याची नवी योजना आणि मॅनहोल मध्ये कोणताही कर्मचारी उतरणार नाही यासंदर्भातील यंत्रणा हे मोदी सरकारच्या शोषित वंचिता विषयीच्या संवेदनशीलतेचे प्रतीक आहे.
देशाच्या अर्थचक्राला अधिक गती देण्यासाठी यंदाचा अर्थसंकल्प ‘बूस्टर डोस’ तर ठरणार आहेच पण त्याचबरोबर मोदी सरकारचा संवेदनशील मानवी चेहरा यातून समोर आला आहे. समाजातील अगदी शेवटच्या माणसापर्यंत पोहोचून त्याला विकासाच्या प्रक्रियेत आणण्याचे सामर्थ्य या अर्थसंकल्पाने निश्चित मिळेल.