तुमची भाषा आणि विधानं आदिवासी समाजात फूट पाडणारी ; फडणवीसांनी शरद पवारांना लगावला टोला

By, Sachin Deshmukh - November 19, 2021 09:45:42

0

गडचिरोली जिल्ह्यात राष्ट्रवादी काँग्रेस पदाधिकारी आणि कार्यकर्ता मेळाव्यात शरद पवारांनी पंतप्रधान नरेंद्र मोदी यांनी केलेल्या केलेल्या भाषणावरून टीका केली होती.Your language and statements are divisive in tribal society; Fadnavis attacked Sharad Pawar

विशेष प्रतिनिधी

मुंबई : पंतप्रधान मोदींच्या एका व्हिडिओवर शरद पवारांनी दिलेल्या प्रतिक्रियेवरुन फडणवीसांनी पवारांवर ट्विटद्वारे जोरदार निशाणा साधला आहे.यावेळी फडणवीस म्हणाले की , “आदिवासी समाजात फूट पाडणारी तुमची भाषा आणि विधानं आहेत.”

राष्ट्रवादीचे अध्यक्ष शरद पवार चार दिवसीय विदर्भाच्या दौऱ्यावर आहेत.त्यांनी गडचिरोली जिल्ह्यात राष्ट्रवादी काँग्रेस पदाधिकारी आणि कार्यकर्ता मेळाव्यात पंतप्रधान नरेंद्र मोदी यांनी केलेल्या केलेल्या भाषणावरून टीका केली होती.

मोदींनी भाषणात “जनजाति”, “आदिवासी” हे शब्द वापरल्याचे दाखवत फडणवीसांनी खोडला शरद पवारांचा दावा!!

फडणवीस ट्विट करत म्हणाले, तुमच्यासारख्या मोठ्या नेत्यांना तथ्ये आणि नेमकी माहिती असायला हवी. पंतप्रधान नरेंद्र मोदी यांनी आपल्या भाषणात जनजाती आणि आदिवासी हे शब्द वापरले आहेत. तुम्ही दावा केल्याप्रमाणं त्यांनी शब्द वापरलेले नाहीत.

श्री शरद पवार जी, @PawarSpeaks
आपल्यासारख्या मोठ्या नेत्यांनी वस्तुस्थिती जाणून घेत आणि पूर्ण माहिती घेत बोलले पाहिजे. मा. पंतप्रधान श्री नरेंद्र मोदीजी @narendramodi यांनी आपल्या संबोधनात जनजाती आणि आदिवासी असे शब्द वापरले आहेत.
(1/2) https://t.co/VhLPbCyFc2 pic.twitter.com/PQXfaTl1ia

— Devendra Fadnavis (Modi Ka Parivar) (@Dev_Fadnavis) November 18, 2021

नेमक काय म्हणाले होते शरद पवार

काल शरद पवारांनी गडचिरोली जिल्ह्यातील देसाईगंज तालुक्यातील कार्यकर्ता आणि पदाधिकारी बैठकीस संबोधित केले. यावेळी बोलताना शरद म्हणाले की, ‘आज देशाची सूत्रे भाजपकडे आहेत. दोन दिवसांपूर्वी भोपाळ येथे आदिवासी संमेलन झाले होते. तिथे पंतप्रधान नरेंद्र मोदीही उपस्थित होते.

पुढे शरद पवार म्हणाले की , पण मला आश्चर्य वाटलं, तिथे कुठेही त्यांनी आदिवासी हा शब्द वापरला नाही. त्याऐवजी वनवासी असा शब्द मोदींनी वापरला. दरम्यान वनवासी हा शब्द आदिवासींना मंजूर नाही. आम्ही मूलनिवासी आहोत, त्यामुळे आम्हाला वनवासी म्हणू नका, असे आदिवासी समाजाचे म्हणणे आहे, असं देखील पवार म्हणाले होते.