परमवीर सिंगांना फरार जाहीर करण्यास कोर्टाची मान्यता; 30 दिवसांत हजर झाले नाहीत तर संपत्ती करणार जप्त|Court approves declaration of Paramvir Singh as absconding; If not present within 30 days, the property will be confiscated

परमवीर सिंगांना फरार जाहीर करण्यास कोर्टाची मान्यता; 30 दिवसांत हजर झाले नाहीत तर संपत्ती करणार जप्त

वृत्तसंस्था

मुंबई : मुंबईतील हॉटेल, रेस्टॉरंट अँड बार चालकांकडून शंभर कोटी रुपयांची खंडणी वसूल करण्याच्या प्रकरणात बदली करण्यात आलेले मुंबईचे पोलीस आयुक्त परमवीर सिंग हे अजूनही पोलिसांसमोर अथवा न्यायालयासमोर हजर झालेले नाहीत. त्यामुळे त्यांना फरार घोषित करण्याची मुभा कोर्टाने मुंबई पोलिसांना दिली आहे.Court approves declaration of Paramvir Singh as absconding; If not present within 30 days, the property will be confiscated

त्याच बरोबर परमवीर सिंग हे येत्या 30 दिवसांमध्ये पोलिसांसमोर अथवा न्यायालयासमोर हजर झाले नाहीत तर त्यांची संपत्ती जप्त करण्याची प्रक्रिया सुरू करण्यात येईल, असे विशेष सरकारी वकील जगताप यांनी स्पष्ट केले आहे.

परमवीर सिंगांना सुप्रिम कोर्टाने फटकारले; तुमच्याच केडरच्या महाराष्ट्र पोलीसांवर विश्वास कसा नाही?

Mumbai's Esplanade court has allowed Mumbai Police's application to declare former police commissioner Param Bir Singh as a proclaimed offender. Now, police can designate him a wanted accused & initiate process to declare him absconder: Special Public Prosecutor Shekhar Jagtap

— ANI (@ANI) November 17, 2021

परमवीर सिंग यांच्या संदर्भातील याचिकेची सुनावणी आज न्यायालयात झाली. त्यावेळी न्यायालयाने पोलिसांना परमवीर सिंग यांना फरार जाहीर करण्याची मुभा दिली.आता पोलीस परमवीर सिंग यांना “वॉन्टेड आरोपी” असे जाहीर करून त्यांना फरार देखील घोषित करू शकतात, असे विशेष सरकारी वकील शेखर जगताप यांनी स्पष्ट केले आहे.

If he (former Mumbai Police Commissioner Param Bir Singh) doesn't come before the law within 30 days, Mumbai Police will initiate the process for attachment of his properties: Special Public Prosecutor Shekhar Jagtap

— ANI (@ANI) November 17, 2021

त्याच बरोबर पुढच्या 30 दिवसांमध्ये परमवीर सिंग यांना शोधून अटक करण्यात आली नाही किंवा ते स्वतःहून पोलिसांसमोर अथवा न्यायालयासमोर हजर झाले नाहीत तर त्यानंतर परमवीर सिंग यांची ज्ञात संपत्ती जप्त करण्याची कायदेशीर कारवाई सुरू करण्यात येईल, असेही त्यांनी स्पष्ट केले आहे.