Vinesh Phogat ! विनेशने मागितली कुस्ती महासंघाची माफी ; स्पर्धेत सहभागी होण्याची परवानगी मिळण्याची शक्यता कमीच

विशेष प्रतिनिधी 

नवी दिल्ली: टोकियो ऑलिम्पिकमध्ये बेशिस्त वागणुकीचा ठपका ठेवण्यात आलेल्या कुस्तीपटू विनेश फोगाटने कुस्ती महासंघाची माफी मागितली आहे. टोकियो ऑलिम्पिकमध्ये विनेशचं आव्हान संपुष्टात आल्यानंतर कुस्ती महासंघ तिच्या कामगिरीवर नाराज असल्याचं समोर आलं होतं. विनेशने माफी मागितली असली तरीही कुस्ती महासंघ तिला इतक्यात जागतिक पातळीवर खेळण्याची परवानगी देईल अशी चिन्ह दिसत नाहीत.Vinesh Phogat! Vinesh apologizes to Wrestling Federation; Less likely to be allowed to participate in the competition

उपांत्यपूर्व फेरीत आव्हान संपुष्टात आलेल्या विनेश फोगाटवर, बेशिस्त वागणूक, भारतीय संघाची अधिकृत जर्सी न घालणे, खेळाडूंसोबत न राहता वेगळा सराव करणे असे आरोप ठेवण्यात आले होते. कुस्ती महासंघाने निलंबनाची कारवाई केल्यानंतर विनेशने स्पर्धेदरम्यान आपल्याला झालेल्या मानसिक आणि शाररिक त्रासाबद्दल माहिती दिली होती. विशेनला आपल्या खासगी फिजीओला घेऊन टोकियोला जाण्याची परवानगी मिळालेली नव्हती ज्यावरुनही मोठा वादंग निर्माण झाला होता.