WATCH : बेळगावात लाल-पिवळ्या ध्वजावरून वातावरण तंग

By, Vishal Joshi - July 6, 2021 12:23:51

0

विशेष प्रतिनिधी

बेळगाव : बेळगाव महापालिकेसमोर लाल पिवळा ध्वज लावण्याचा पुन्हा प्रयत्न कन्नड रक्षण वेदिकेच्या कार्यकर्त्यांनी केला. त्यामुळे वातावरण तंग बनले. The atmosphere in Belgaum is tense due to the red-yellow flag

लाल पिवळा ध्वज फडकविण्याचा प्रयत्न करणाऱ्या दहा कार्यकर्त्यांना पोलिसांनी ताब्यात घेतले आहे. आधीचा लाल पिवळा ध्वज खराब झाल्याचे कारण सांगून नवीन ध्वज फडकवण्याचा प्रयत्न त्यांनी केला होता. अनधिकृत ध्वजावरून गेल्या काही महिन्यापासून महाराष्ट्र कर्नाटक सीमा भागात तणावाचं वातावरण आहे.

विशेष म्हणजे काही वर्षा पूर्वी महापालिकेच्या आवारात भगवा ध्वज फडकत होता. अनेक वर्षे फडकत असलेला हा भगवा ध्वज कर्नाटकी सरकारने काढून टाकला. तेव्हा तमाम मराठी बांधव हळहळले होते. ‘भगव्या आम्हाला माफ कर’ अशी आर्त किंकाळी फोडण्यात आली. पण, पोकळ किंकाळ्याचा तसा परिणाम कोणताच झाला नाही. एकदा उतरलेला भगवा ध्वज पुन्हा कधीच पालिकेसमोर फडकला नाही. आता तर लाल- पिवळा ध्वज फडकविला जाण्याचे प्रयत्न सुरु आहेत.