इराणचा पाकिस्तानवर सर्जिकल स्ट्राइक; बलूच बंडखोरांचे अड्डे उद्ध्वस्त!!; पण हल्ले कुणाच्या पथ्यावर??

Iranian surgical strikes

विशेष प्रतिनिधी

नवी दिल्लीइराणने काल इराक आणि सीरियात मिसाईल हल्ले करून खळबळ उडवून दिल्यानंतर आपला मोर्चा पाकिस्तानकडे वळवला. पाकिस्तानच्या हद्दीतून इराणमध्ये घुसून दहशतवादी कारवाया करणाऱ्या बलूच बंडखोरांचे अड्डे इराणने या सर्जिकल स्ट्राइक मध्ये उद्ध्वस्त केले. इराणने पाकिस्तानी हवाई हद्दीचा भंग केला. त्यांना आम्ही प्रत्युत्तर देऊ, असे पाकिस्तानी लष्कराने म्हटले आहे.Iran’s Surgical Strike on Pakistan; Bases of Baloch rebels destroyed!!; But attacks on whose path??

पण इराण मध्ये घुसून दहशतवादी कारवाई करणारे बलूच बंडखोर ही पाकिस्तानी राजवटीसाठी तितकेच धोकादायक आहेत. बलूच बंडखोरांना बलुचिस्तान हा प्रांत पाकिस्तानपासून तोडून तो स्वतंत्र देश करायचा आहे. इराणने बलूच बंडखोरांवर कारवाई केली आहे. त्यामुळे अंतिमतः सर्जिकल स्ट्राइकची कारवाई पाकिस्तानच्याच पथ्यावर पडण्याची शक्यता आहे.



इराण मध्ये घुसून दहशतवादी कारवाया करणाऱ्या पाकिस्तानस्थित दहशतवादी संघटना जैश अल अदलचे अड्डे उद्धवस्त करण्यात आल्याची माहिती आहे. या हल्ल्यांत अनेक दहशतवादी मारले गेल्याचा दावा इराणच्या सैन्याने केला आहे. दुसरीकडे या हल्ल्यांत अनेक निरपराध लोकांचा बळी गेल्याचा दावा पाकिस्तानने केला आहे. पण हे हल्ले बलूच बंडखोरांविरुद्ध केल्यामुळे ते पाकिस्तानच्या पथ्यावरच पडण्याची शक्यता आहे.

इराण आणि पाकिस्तानच्या सीमा जवळ आहेत. त्यामुळे दोन्ही देशांत नेहमीच तणाव असतो. त्यातही पाकिस्तानातील दहशतवादी इराणमध्ये हल्ले घडवत असतात. या मुद्द्यावर दोन्ही देशांत वाद सुरू आहेत. इराणने याआधीही अशा प्रकारे पाकिस्तानच्या हद्दीत घुसून दहशतवाद्यांचे तळ नष्ट केले आहेत. मात्र तरीही पाकिस्तानची अक्कल ठिकाणावर आली नाही. त्यामुळे आता इराणने पुन्हा एकदा पाकिस्तानात घुसून सर्जिकल स्ट्राईक केला आहे, अशा बातम्या आंतरराष्ट्रीय माध्यमांनी दिल्या आहेत.

मीडिया रिपोर्ट्सनुसार, इराणच्या सैन्याने मंगळवारी रात्री पाकिस्तानच्या बलुचिस्तान प्रांतात क्षेपणास्त्रे आणि ड्रोनने हल्ला केला. या भागात दहशतवादी संघटना जैश अल अदलचे मुख्यालय होते. या मुख्यालयासह बंडखोरांचा आणखी एक अड्डा इराणने उद्धवस्त केला. या संघटनेने मागील काही दिवसांत इराणमध्ये दहशतवादी हल्ले केले होते. यावरून इराणने पाकिस्तानला इशाराही दिला होता. तरीदेखील हल्ले काही थांबले नव्हते. त्यामुळे संतापलेल्या इराणने पाकिस्तानला धडा शिकवण्याच्या उद्देशाने हा हल्ला केला आहे. या संघटनेने इराणमधील एका पोलीस चौकीवर हल्ला केला होता. या हल्ल्यात 14 कर्मचाऱ्यांचा मृत्यू झाला होता. या हल्ल्याचाच बदला घेण्यासाठी इराणने  पाकिस्तानात ही कारवाई केल्याचे सांगण्यात येत आहे.

इराणचे इराक-सीरियात मिसाईल हल्ले 

इराणच्या रिवॉल्यूशनरी गार्ड कॉर्प्सच्या (IRCG) निवेदनाच्या हवाल्याने सांगण्यात आले आहे की इराकी कुर्दिस्तानची राजधानी अर्बिलमध्ये एक गुप्तहेर मुख्यालय आणि इराणविरोधी आतंकवादी संघटनांच्या ठिकाणांना नष्ट करण्यात आले. या हल्ल्यां चार लोकांचा मृत्यू झाला असून सहा जण जखमी झाले आहेत. इराकच्या कुर्दिस्तान सुरक्षा परिषदेने दिलेल्या माहितीनुसार या हल्ल्यांत 4 लोक ठार झाले, तर 6 जण जखमी झाले आहेत. कुर्दिस्तान डेमोक्रॅटिक पार्टीने सांगितले की मारल्या गेलेल्या नागरिकांत येथील प्रमुख्य उद्योजक आणि त्यांच्या परिवारातील सदस्यांचा सहभाग आहे.

Iran’s Surgical Strike on Pakistan; Bases of Baloch rebels destroyed!!; But attacks on whose path??

महत्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात