नानांच्या “दोन दाढीवाल्यांचे शटर बंद करायचेय” टीकेला भातखळकरांचे “दाढीचे खुंट वाढवून फिरणारा पाहा”ने प्रत्युत्तर atul bhatkalkar targets nana patole and rahul gandhi

नानांच्या “दोन दाढीवाल्यांचे शटर बंद करायचेय” टीकेला भातखळकरांचे “दाढीचे खुंट वाढवून फिरणारा पाहा”ने प्रत्युत्तर

प्रतिनिधी

मुंबई – महाराष्ट्रात स्वबळावर निवडणूक लढविण्याचा नारा देऊन काँग्रेस संघटनेत चैतन्य आणण्याचा प्रयत्न करणाऱ्या प्रदेशाध्यक्ष नाना पटोलेंची जीभ पुण्याच्या कार्यक्रमात घसरली. atul bhatkalkar targets nana patole and rahul gandhi

भाषणाच्या ओघात त्यांनी पंतप्रधान नरेंद्र मोदी आणि केंद्रीय गृहमंत्री अमित शहा यांच्यावर खालच्या पातळीवरची भाषा वापरून टीका केली. दिल्लीतल्या दोन दाढीवाल्यांचे शटर आपल्याला बंद करायचेय, असे ते म्हणाले. नानांनी घसरून केलेल्या टीकेला भाजपचे प्रवक्ते अतुल भातखळकर यांनी तितकेच घसरून प्रत्युत्तर दिले आहे.

सध्या तुमचा ५१ वर्षीय युवा नेता निवडणुकीत सतत मार खाऊन दाढीची खुंट वाढवत फिरतोय ते पाहा, असे ट्विट अतुल भातखळकर यांनी केले आहे. नानांनी केलेली टीका आणि त्याला भातखळकरांनी दिलेले प्रत्युत्तर यावरून सोशल मीडियात काँग्रेस आणि भाजप समर्थकांमध्ये चांगलीच जुंपलेली दिसून येते. अनेकांनी एकमेकांना अपशब्द वापरत धारेवर धरले आहे. तर अनेकांनी दोन्ही – तिन्ही काय पण सगळे दाढीवाले एकच आहेत. ते देशाला लुटत आहेत, अशी टीका केली आहे.

सध्या तुमचा ५१ वर्षीय युवा नेता निवडणुकीत सतत मार खाऊन दाढीची खुंट वाढवत फिरतोय ते पाहा…. @NANA_PATOLE https://t.co/WMVdQx0I0L

— Atul Bhatkhalkar (मोदी का परीवार) (@BhatkhalkarA) June 20, 2021