जगाला मिळाली मलेरियाची लस : WHO कडून पहिल्या मलेरिया लसीला मंजुरी, गंभीर रुग्णांची जोखीम होणार कमी

WHO Approves Worlds First Malaria Vaccine for Mosquito Borne Disease

WHO Approves Worlds First Malaria Vaccine : जागतिक आरोग्य संघटनेने (WHO) जगातील पहिल्या मलेरिया लस RTS, S/ AS01लसीला मान्यता दिली आहे. या लसीची सुरुवात मलेरियामुळे सर्वाधिक प्रभावित असलेल्या आफ्रिकन देशांपासून होईल. यानंतर डब्ल्यूएचओचा फोकस जगभरात मलेरियाची लस बनवण्याच्या निधीच्या व्यवस्थेवर असेल जेणेकरून ही लस प्रत्येक गरजू देशापर्यंत पोहोचेल. WHO Approves Worlds First Malaria Vaccine for Mosquito Borne Disease


प्रतिनिधी

नवी दिल्ली : जागतिक आरोग्य संघटनेने (WHO) जगातील पहिल्या मलेरिया लस RTS, S/ AS01लसीला मान्यता दिली आहे. या लसीची सुरुवात मलेरियामुळे सर्वाधिक प्रभावित असलेल्या आफ्रिकन देशांपासून होईल. यानंतर डब्ल्यूएचओचा फोकस जगभरात मलेरियाची लस बनवण्याच्या निधीच्या व्यवस्थेवर असेल जेणेकरून ही लस प्रत्येक गरजू देशापर्यंत पोहोचेल.

यानंतर संबंधित देशांची सरकारे मलेरिया नियंत्रित करण्याच्या उपायांमध्ये लसीचा समावेश करायचा की नाही हे ठरवतील. डब्ल्यूएचओने म्हटले आहे की, या लसीमुळे मलेरियामुळे सर्वाधिक प्रभावित देशांसाठी मोठी आशा निर्माण झाली आहे.

भारतात दरवर्षी मलेरियाचे 3 लाखांहून अधिक रुग्ण

5 वर्षांखालील मुलांना मलेरियाचा सर्वाधिक धोका असतो. दर दोन मिनिटांनी मलेरियामुळे एका मुलाचा मृत्यू होतो. 2019 मध्ये जगभरात मलेरियामुळे 4.09 लाख मृत्यू झाले, त्यापैकी 67% म्हणजेच 2.74 मुले होती, ज्यांचे वय 5 वर्षांपेक्षा कमी होते. भारतात 2019 मध्ये मलेरियाची 3 लाख 38 हजार 494 प्रकरणे होती आणि 77 लोकांचा मृत्यू झाला. गेल्या 5 वर्षांत भारतात 2015 मध्ये मलेरियामुळे सर्वाधिक 384 मृत्यू झाले. त्यानंतर मृतांची संख्या सातत्याने कमी होत आहे.

आफ्रिकन देशांमध्ये लसीच्या चाचण्या

मलेरिया लस RTS, S/AS01 2019 मध्ये घाना, केनिया आणि मलावीमध्ये एक पायलट प्रोग्राम म्हणून वापरली गेली. याअंतर्गत 23 लाख मुलांना लस देण्यात आली, त्याच्या निकालांच्या आधारावर WHO ने आता ही लस मंजूर केली आहे. जीएसके कंपनीने ही लस प्रथम 1987 मध्ये बनवली होती.

गंभीर प्रकरणे कमी होणार

पायलट प्रोजेक्टच्या निकालांनुसार, मलेरियाची लस सुरक्षित आहे आणि 30% गंभीर प्रकरणांना रोखू शकते. ही लस दिलेल्या मुलांपैकी दोन तृतीयांश अशी होती ज्यांच्याकडे मच्छरदाणी नव्हती. हेदेखील उघड झाले आहे की मलेरिया लसीचा इतर लसींवर किंवा मलेरिया टाळण्यासाठी इतर उपायांवर कोणताही नकारात्मक परिणाम होत नाही.

डब्ल्यूएचओने उप-सहारा आफ्रिकन देशांमधील मुलांना दोन वर्षांच्या वयात मलेरियाच्या लसीचे 4 डोस देण्याची शिफारस केली आहे. ही लस प्लास्मोडियम फाल्सीपेरमला निष्प्रभ करते. प्लास्मोडियम फाल्सीपेरम मलेरियाला कारणीभूत असणाऱ्या पाच परजीवींपैकी एक आहे आणि सर्वात धोकादायक आहे. डब्ल्यूएचओच्या मते, प्रत्येक 10 मलेरियाच्या प्रकरणांपैकी 4 लसीद्वारे रोखता येतात आणि 10 पैकी 3 लोकांना गंभीर प्रकरणांमध्ये वाचवता येते.

WHO Approves Worlds First Malaria Vaccine for Mosquito Borne Disease

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात