कोलकात्यात भाड्याने राहणाऱ्या जमात उल मुजाहिदीनच्या ३ बांगलादेशी दहशतवाद्यांना अटक

By, Pravin Pawar - July 11, 2021 08:20:06

0

वृत्तसंस्था

कोलकाता – उत्तर प्रदेशातील काकोरीत ISIS jihad दहशतवाद्यांना अटक करून घातपाताचा मोठा कट उधळल्याच्या दिवशीच पश्चिम बंगालमध्ये कोलकात्यात पोलीसांच्या स्पेशल टास्क फोर्सने ३ दहशतवाद्यांना अटक केली. West Bengal: Three suspected Jamaat-ul-Mujahideen Bangladesh (JMB) terrorists arrested by Kolkata Police’s Special Task Force today.

बांगलादेशातील जमात उल मुजाहिदीनचे हे ३ दहशतवादी दक्षिण कोलकात्यातील हरिदेवपूरा भागात भाड्याने खोली घेऊन राहात होते. तेथून ते जिहादी साहित्याचा प्रचार – प्रसार करीत होते. कोलकाता पोलीसांना त्यांच्या जिहादी कारवायांचा सुगावा लागला. छापा घालून तिघांना पकडल्यावर त्यांच्याकडून जिहादी कारवायांची माहिती मिळाली आहे.

त्यांचे फेसबुक अकाऊंट्स, जमात उल मुजाहिदीन संघटनेच्या काही दहशतवाद्यांचे महत्त्वाचे मोबाईल नंबर तसेच हाताने लिहिलेल्या काही डायऱ्या सापडल्या आहेत. या सगळ्यांमध्ये जिहादी तत्त्वांचा प्रचार – प्रसाराचे साहित्य आहे. सोशल मीडियाद्वारे भारतात जिहाद पसरविण्याची ही योजना आहे, असे कोलकात्याचे सह पोलीस आयुक्त सॉलोमन नेसकुमार यांनी सांगितले.

We have found Jihadi literature & their FB accounts have been analysed. A handwritten diary containing names and numbers of important JMB members found. Investigation has been started. We will present this before court tomorrow: V Solomon Nesakumar, joint CP of Kolkata Police STF pic.twitter.com/VzZWisV3DP

— ANI (@ANI) July 11, 2021

कोलकाता पोलिसांना गुप्तचरांकडून जी टिप मिळाली होती. त्या आधारे आज दुपारी एसटीएफने हरिदेवपूरा भागात छापा घातला. त्या खोलीत हे ३ दहशतवादी झोपले होते. त्यांना ताब्यात घेताच त्यांनी मोठ्या घातपाती कारवायांची माहिती दिली. ते गेल्या काही महिन्यांपासून या खोलीत भाड्याने राहात होते. त्यांना उद्या कोलकाता न्यायालयात हजर करण्यात येणार आहे. तसेच त्यांनी आत्तापर्यंत दिलेल्या माहितीच्या आधारे पुढील पोलीसी कारवाई करण्यात येईल, असे पोलीसांनी स्पष्ट केले आहे.