कर्नाटक हिजाब वादावर आज सुप्रीम कोर्टात सुनावणी : 10 दिवस युक्तिवाद ऐकल्यानंतर राखून ठेवला होता निकाल|Supreme Court to hear Karnataka hijab dispute today Verdict was reserved after 10 days of arguments

कर्नाटक हिजाब वादावर आज सुप्रीम कोर्टात सुनावणी : 10 दिवस युक्तिवाद ऐकल्यानंतर राखून ठेवला होता निकाल

वृत्तसंस्था

नवी दिल्ली : कर्नाटक हिजाबप्रकरणी सर्वोच्च न्यायालय आज निकाल देणार आहे. न्यायमूर्ती हेमंत गुप्ता आणि न्यायमूर्ती सुधांशू धुलिया यांच्या खंडपीठाने 10 दिवसांच्या युक्तिवादानंतर 22 सप्टेंबर रोजी निकाल राखून ठेवला होता. कर्नाटक सरकार आणि मुस्लिमांची बाजू ऐकल्यानंतर खंडपीठाने सांगितले की, आम्ही तुमचे सर्व ऐकले आहे. आता आमचा गृहपाठ सुरू होतो.Supreme Court to hear Karnataka hijab dispute today Verdict was reserved after 10 days of arguments

कर्नाटक उच्च न्यायालयाच्या निर्णयाला आव्हान

हिजाब वादावर कर्नाटक उच्च न्यायालयाच्या निर्णयाविरोधात सर्वोच्च न्यायालयात 23 याचिका दाखल करण्यात आल्या आहेत. या मार्चमध्ये दाखल करण्यात आल्या होत्या. ज्येष्ठ वकील राजीव धवन, दुष्यंत दवे, संजय हेगडे आणि कपिल सिब्बल हे याचिकाकर्त्यांतर्फे बाजू मांडत आहेत.

बांगड्या धार्मिक प्रतिक नाहीत का? हिजाब वादावर उच्च न्यायालयात अजब तर्क

हिजाब घालणे हा इस्लामच्या अनिवार्य प्रथेचा भाग नाही, असे कर्नाटक उच्च न्यायालयाने म्हटले होते. आपल्या आधीच्या आदेशाला कायम ठेवत न्यायालयाने म्हटले की, हिजाब घालणे हा इस्लामच्या अनिवार्य प्रथेचा भाग नाही. घटनेच्या कलम 25 नुसार त्याला संरक्षण देण्याची गरज नाही. न्यायालयाच्या या निर्णयाला आव्हान देत काही मुलींनी सर्वोच्च न्यायालयात याचिका दाखल केली होती, त्यावर सुनावणी सुरू आहे.

उडुपीमध्ये सुरू झाला वाद

कर्नाटकातील हिजाबचा वाद जानेवारीच्या सुरुवातीला उडुपी येथील सरकारी महाविद्यालयात सुरू झाला, जिथे मुस्लिम मुलींना हिजाब घालण्यापासून रोखण्यात आले. शाळा व्यवस्थापनाने हे गणवेश संहितेच्या विरोधात म्हटले होते. यानंतर हा वाद इतर शहरातही पसरला.

मुस्लीम तरुणी याला विरोध करत आहेत, त्याविरोधात हिंदू संघटनांशी संबंधित तरुणांनीही भगवी शाल पांघरून विरोध सुरू केला. महाविद्यालयात आंदोलनाचे हिंसक चकमकीत रूपांतर झाले आणि परिस्थिती नियंत्रणात आणण्यासाठी पोलिसांना अश्रुधुराचा मारा करावा लागला.