धक्कादायक : पश्चिम बंगालमधील शाळांमध्ये दाखविले जाणार समलैंगिकतेवर आधारित चित्रपट

By, Pravin Wankhade - November 13, 2021 09:58:56

0

कोलकत्ता येथील एक स्वयंसेवी संस्था शाळांमध्ये चक्क समलैंगिकतेवर आधारित चित्रपट दाखविण्याची योजना आखत आहे. विशेष म्हणजे त्यासाठी युनिसेफ सहकार्य करणार आहे. यावर राष्ट्रीय बाल हक्क आयोगाने युनिसेफला नोटीस पाठवली आहे. शाळांमध्ये समलैंगिक चित्रपट दाखवण्याचा निर्णय कोणत्या आधारावर घेण्यात आला, अशी विचारणा नोटीसमध्ये करण्यात आली आहे.Shocking, films based on homosexuality will be shown in schools in West Bengal

विशेष प्रतिनिधी

कोलकत्ता : कोलकत्ता येथील एक स्वयंसेवी संस्था शाळांमध्ये चक्क समलैंगिकतेवर आधारित चित्रपट दाखविण्याची योजना आखत आहे. विशेष म्हणजे त्यासाठी युनिसेफ सहकार्य करणार आहे. यावर राष्ट्रीय बाल हक्क आयोगाने (ठउढउफ) युनिसेफला नोटीस पाठवली आहे. शाळांमध्ये समलैंगिक चित्रपट दाखवण्याचा निर्णय कोणत्या आधारावर घेण्यात आला, अशी विचारणा नोटीसमध्ये करण्यात आली आहे.
प्रयासम या संस्थेने समलैंगिकतेवर आधारित चित्रपट पश्चिम बंगालच्या शाळांमध्ये दाखविण्याची योजना आखली आहे. ही एनजीओ युनिसेफची भागीदार संस्था आहे.

आतापर्यंत एकाही शाळेत एकही चित्रपट दाखवलेला नाही. मात्र, नुकतीच एनजीओने एक पत्रकार परिषद घेतली, ज्यामध्ये समलैंगिकतेवर बनवलेले 8 चित्रपट शाळांमध्ये उच्च माध्यमिक स्तरावरील मुलांनाही दाखवले जावेत, असे सांगण्यात आले. यानंतरच वाद सुरू झाला, एनसीपीसीआरकडे तक्रार करण्यात आली आणि आयोगाने युनिसेफसह चित्रपट सेन्सॉर बोडार्लाही नोटीस पाठवली आहे.

निवडणुकीनंतर पश्चिम बंगालमध्ये गुटखा, पान मसल्यावर वर्षभर बंदी; ७ नोव्हेंबरपासून लागू

प्रयासम 2013 पासून बेड अँड ब्युटीफुल वर्ल्ड फिल्म फेस्टिव्हलचे आयोजन करत आहे. या वेळी महोत्सवात आठ लघुपटांचे काव्यसंग्रह दाखविण्याचा निर्णय घेण्यात आला. येथील 20 ते 25 वर्षे वयोगटातील चित्रपट निमार्ते सलीम शेख, मनीष चौधरी, सप्तर्षी राय आणि अविजित मारिजित यांनी हे आठ चित्रपट बनवले आहेत. हे चित्रपट करताना त्यांना अनेक अडचणींचा सामना करावा लागला. कोणत्या मुद्द्यावर हा चित्रपट बनत आहे हे कळल्यानंतर काही कलाकारांनी चित्रपट करण्यास नकार दिला.

शाळांमध्ये समलैंगिकतेवरील चित्रपट दाखवले जाणार असल्याची तक्रार राष्ट्रीय बाल हक्क आयोगाचे अध्यक्ष प्रियांक कानूनगो यांच्याकडे पाठवण्यात आली होती. आयोगाने याची तात्काळ दखल घेत युनिसेफला नोटीस पाठवली. यासोबतच या चित्रपटांना कोणत्या श्रेणीत प्रमाणपत्र देण्यात आले आहे, याचेही उत्तर सेंट्रल बोर्ड फॉर फिल्म सर्टिफिकेशनकडून मागवण्यात आले आहे.

प्रयासम या स्वयंसेवी संस्थेच्या म्हणण्यानुसार, हे चित्रपट उच्च माध्यमिक वगार्तील मुलांना दाखवले जावेत, ही इच्छा व्यक्त केली होती, ज्याचा चुकीचा अर्थ लावला गेला. लहान मुलांना चित्रपट दाखवण्याबद्दल आम्ही कधीच बोललो नाही. सध्या बंगालमध्ये शाळा बंद आहेत, त्यामुळे आतापर्यंत कोणत्याही शाळेला कोणताही प्रस्ताव पाठवण्यात आलेला नाही किंवा कुठेही स्क्रीनिंग करण्यात आलेली नाही. आमचा फक्त हायस्कूलच्या विद्यार्थ्यांना समलैंगिकतेबद्दल संवेदनशील बनवणे हा हेतू होता. जेणेकरून पुढे जाऊन ते एलजीबीटी समुदायातील लोकांशी सहज व्यवहार करू शकतील. हे चित्रपट युनिसेफने बनवलेले नाहीत. या चित्रपटांसाठी युनिसेफचे कोणतेही सहकार्य किंवा निधी नाही.