पंतप्रधान मोदींना आमंत्रित करणे आमच्यासाठी सन्मानाची बाब असल्याचे अमेरिकेने म्हटले आहे.
विशेष प्रतिनिधी
नवी दिल्ली : पंतप्रधान नरेंद्र मोदी त्यांच्या अमेरिका दौऱ्यात २२ जून रोजी अमेरिकन संसदेच्या संयुक्त बैठकीला संबोधित करतील. संयुक्त बैठकीला संबोधित करण्यासाठी पंतप्रधान मोदींना आमंत्रित करणे आमच्यासाठी सन्मानाची बाब असल्याचे अमेरिकेने म्हटले आहे. अमेरिकेचे राष्ट्राध्यक्ष जो बायडेन यांनी पंतप्रधान मोदींना अमेरिकेच्या अधिकृत भेटीचे निमंत्रण दिले आहे. Prime Minister Modi will address a joint session of the US Parliament
शुक्रवारी (२ जून), युनायटेड स्टेट्स हाऊस ऑफ रिप्रेझेंटेटिव्ह आणि युनायटेड स्टेट्स सिनेट यांच्या संयुक्त निवेदनात म्हटले आहे की, पंतप्रधान मोदींनी अमेरिकन संसदेला संबोधित करणे ही आमच्यासाठी अभिमानाची गोष्ट आहे. दोन्ही देशांमधील भागीदारी सातत्याने वाढत आहे. यादरम्यान पंतप्रधान मोदी भारताच्या भवितव्याबद्दल आणि दोन्ही देशांसमोरील जागतिक आव्हानांबद्दल त्यांच्या दृष्टिकोनाबाबत बोलतील.
निवेदनावर हाऊस ऑफ रिप्रेझेंटेटिव्हजचे अध्यक्ष मॅककार्थी, सिनेटचे नेते चक शूमर, सिनेट रिपब्लिकन नेते मिच मॅककोनेल आणि डेमोक्रॅटिक नेते हकीम जेफरीज यांनी स्वाक्षरी केली आहे. राष्ट्राध्यक्ष जो बायडेन हे पंतप्रधान मोदी यांच्या अमेरिकेच्या अधिकृत दौऱ्याचे यजमान असतील, ज्यामध्ये २२ जून रोजी राजकीय भोजनाचाही समावेश असेल.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more