भारतीय सैन्याने पीएलए (चिनी सैन्य) कडे भारतीय किशोरवयीन मुलाला परत पाठवण्याची मागणी केली आहे. मिरामम नावाच्या या मुलाचे चिनी सैन्याने अरुणाचल प्रदेशातून अपहरण केले होते. संरक्षण सूत्रांनी ही माहिती दिली आहे. Indian Army liaises with Chinese Army over abduction of teenager in Arunachal Pradesh, calls for deportation as per protocol
वृत्तसंस्था
नवी दिल्ली : भारतीय सैन्याने पीएलए (चिनी सैन्य) कडे भारतीय किशोरवयीन मुलाला परत पाठवण्याची मागणी केली आहे. मिरामम नावाच्या या मुलाचे चिनी सैन्याने अरुणाचल प्रदेशातून अपहरण केले होते. संरक्षण सूत्रांनी ही माहिती दिली आहे.
चीनच्या पीपल्स लिबरेशन आर्मीने अपहरण केलेल्या मीराम तारोन या १७ वर्षीय मुलाला सुखरूप परत करावे, अशी मागणी भारताने चीनकडे केली आहे. संरक्षण सूत्रांनी दिलेल्या माहितीनुसार, घटना उघडकीस आल्यानंतर लगेचच भारतीय लष्कराने पीएलएशी संपर्क साधला. यानंतर पीएलएने मिरामची माहिती मिळवून त्याला प्रोटोकॉलनुसार परत करण्यास सांगितले आहे.
अरुणाचल प्रदेशचे खासदार तापीर गाओ यांनी केलेल्या दाव्यानुसार, अरुणाचल प्रदेशातील अप्पर सियांग जिल्ह्यातील एका १७ वर्षीय तरुणाचे पीएलएलने अपहरण केल्याचे सांगितले होते. त्यांच्या एका ट्विटमध्ये त्यांनी लिहिले की, पीएलएच्या कैदेतून सुटलेल्या आणखी एका भारतीयाने अधिकाऱ्यांना माहिती दिली आहे. त्यांनी असेही लिहिले की, केंद्रीय गृह राज्यमंत्री एन. प्रामाणिक यांना भारतीय तरुणाच्या अपहरणाची माहिती देण्यात आली आहे.
मिळालेल्या माहितीनुसार, मीरामचे सेउंगला भागातील लुंगटा जोर भागातून अपहरण करण्यात आले होते. मिराम हा जिदा गावातील स्थानिक शिकारी आहे. ही घटना त्सांगपो नदीजवळ घडली. ही नदी अरुणाचल प्रदेशातूनच भारताच्या सीमेत प्रवेश करते. ही नदी अरुणाचल प्रदेशात सियांग आणि आसाममध्ये ब्रह्मपुत्रा म्हणून ओळखली जाते. 2018 मध्ये, अरुणाचल प्रदेशातील सियांग जिल्ह्यातील या भागात चीनने भारतीय सीमेच्या आत तीन ते चार किमीचा रस्ता तयार केल्याचा आरोप आहे.
To be published, comments must be reviewed by the administrator.*
Our website uses cookies to improve your experience. Learn more