मेरा देश बदल रहा है….! जगातील सर्वात उंच पुतळा, पूल, सर्वात लांब बोगदा, प्लॅटफॉर्म अन् भव्य स्टेडियम बनवून भारताने केला विक्रम

By, Sachin Sutar - March 18, 2023 06:05:45

0

पंतप्रधान मोदींच्या नेतृत्वात भारतीय अर्थव्यवस्थेनेही ब्रिटनला मागे टाकून जगातील पाचवी सर्वात मोठी अर्थव्यवस्था बनली आहे

विशेष प्रतिनिधी

नवी दिल्ली : पंतप्रधान नरेंद्र मोदी यांच्या दूरदर्शी नेतृत्वाखाली भारतीय अर्थव्यवस्था दररोज नवनवीन आदर्श निर्माण करत आहे. भारतीय अर्थव्यवस्थेने ब्रिटनला मागे टाकून जगातील पाचवी सर्वात मोठी अर्थव्यवस्था बनली आहे. शिवाय भारत हे जगातील सर्वात आकर्षक उत्पादन केंद्र बनले आहे. त्याचप्रमाणे आज भारत पायाभूत सुविधांमध्ये नवे विक्रम करत आहे. India holds records by building the world’s tallest statue bridge longest tunnel and platform and grand stadium

जबरदस्त कामगिरी! अवघ्या सहा महिन्यांत भारतात ४३३ जिल्ह्यांमध्ये १ लाखांहून अधिक 5G टेलिकॉम साइट्स स्थापित

आता जगातील सर्वात लांब रेल्वे प्लॅटफॉर्म, सर्वात उंच पुतळा, सर्वात लांब महामार्ग बोगदा, सर्वात उंच रेल्वे पूल, सर्वात मोठे क्रिकेट स्टेडियम, सर्वात मोठे सौर ऊर्जा प्रकल्प भारताच्या नावावर नोंदवले गेले आहेत. त्यामुळे भारताचे नाव रेकॉर्ड बुकमध्ये समाविष्ट होत असून, जगात भारताचे नाव उज्ज्वल केले जात आहे.

हुबळी स्टेशनवर जगातील सर्वात मोठे प्लॅटफॉर्म –

जगातील सर्वात लांब रेल्वे प्लॅटफॉर्म कर्नाटकातील हुबळी येथे आहे, ज्याची एकूण लांबी १ हजार ५०५ मीटर आहे. यापूर्वी, उत्तर प्रदेशातील गोरखपूर रेल्वे स्थानकाचा प्लॅटफॉर्म हा जगातील सर्वात लांब प्लॅटफॉर्म होता, ज्याची लांबी १ हजार३६६.३३ मीटर आहे, परंतु आता हा प्लॅटफॉर्म दुसऱ्या क्रमांकावर आला आहे. यापूर्वी उत्तर प्रदेशातील गोरखपूर रेल्वे स्थानक हे जगातील सर्वात लांब रेल्वे प्लॅटफॉर्म होते. आता तर याहूनही लांब रेल्वे प्लॅटफॉर्म भारतात बांधले गेले आहेत. हुबळी रेल्वे स्थानकाचा प्लॅटफॉर्म क्रमांक ८ हा जगातील सर्वात लांब रेल्वे प्लॅटफॉर्म आहे. त्याची लांबी दीड किलोमीटरहून अधिक आहे. १२ मार्च २०१३ रोजी पंतप्रधान मोदींनी हे प्लॅटफॉर्म देशाला समर्पित केले आहे. या रेल्वे स्टेशनचे पूर्ण नाव सिद्धरुद्ध स्वामीजी हुबळी स्टेशन आहे. जगातील सर्वात लांब रेल्वे प्लॅटफॉर्म म्हणून कर्नाटकातील हुबळी रेल्वे स्थानकाचे नाव गिनीज बुक ऑफ वर्ल्ड रेकॉर्डमध्ये नोंदवण्यात आले आहे.

स्टॅच्यू ऑफ युनिटी, जगातील सर्वात उंच पुतळा –

देशाचे पहिले गृहमंत्री सरदार वल्लभभाई पटेल यांच्या सन्मानार्थ तयार करण्यात आलेल्या ‘स्टॅच्यू ऑफ युनिटी’ या जगातील सर्वात मोठ्या १८२ मीटर उंचीच्या पुतळ्याचे ३१ ऑक्टोबर २०१८ रोजी अनावरण करण्यात आले. सरदार पटेल यांच्या जयंतीनिमित्त पंतप्रधान नरेंद्र मोदी यांनी त्याचे अनावरण केले. विशेष म्हणजे ‘स्टॅच्यू ऑफ युनिटी’च्या अनावरणासाठी गंगा, यमुना, सरस्वती, सिंधू, कावेरी, नर्मदा, तापी, गोदावरी आणि ब्रह्मपुत्रा आदींसह देशभरातील ३० लहान-मोठ्या नद्यांचे पाणी आणण्यात आले होते. पीएम मोदींनी या ३० नद्यांच्या पाण्याने पुतळ्याजवळ असलेल्या शिवलिंगावर अभिषेक केला. यावेळी ३० ब्राह्मणांनी मंत्रोच्चारही केला. पुतळ्याच्या बांधकामात ७० हजार टन सिमेंट, १८ हजार ५०० टन रीफोर्सिंग लोह, ६ हजार टन स्टील आणि १ हजार ७०० मेट्रिक टन कांस्य वापरण्यात आले आहे. शांघाय कॉर्पोरेशन ऑर्गनायझेशनने स्टॅच्यू ऑफ युनिटीचा आठ आश्चर्यांच्या यादीत समावेश केला आहे.

जगातील सर्वात मोठे क्रिकेट स्टेडियम, नरेंद्र मोदी स्टेडियम –

जगातील सर्वात मोठे क्रिकेट स्टेडियम हे अहमदाबादच्या मोटेरा भागात असलेले नरेंद्र मोदी स्टेडियम आहे. जे पूर्वी सरदार पटेल स्टेडियम म्हणून ओळखले जात होते. त्याचे उद्घाटन २०२० मध्ये झाले आणि १ लाख ३२ हजार प्रेक्षक बसण्याची क्षमता आहे. नरेंद्र मोदी स्टेडियम ७०० कोटी रुपये खर्चून बांधले गेले आहे, जे ६३ एकरमध्ये पसरलेले आहे. या मैदानात ७६ कॉर्पोरेट बॉक्स, ४ ड्रेसिंग रूम, ३ सराव मैदान देखील बांधण्यात आले आहेत. ४ ड्रेसिंग रूम एकत्र असलेले हे जगातील पहिले स्टेडियम आहे, येथे पावसाचे पाणी वाहून जाण्यासाठी आधुनिक तंत्राचा वापर करण्यात आला आहे, ज्यामुळे पाऊस थांबल्यानंतर अर्ध्या तासात सामना सुरू करता येतो.

जगातील सर्वात लांब बोगदा – अटल बोगदा

अटल बोगदा हा १०,०० फुटांपेक्षा जास्त उंचीवर असलेला जगातील सर्वात लांब बोगदा आहे. हा बोगदा मनाली ते लेहला जोडतो. या बोगद्यामुळे मनाली ते लेहमधील अंतर ४६ किमी कमी होते आणि प्रवासाचा वेळही ४ ते ५ तासांनी कमी होतो. हा ९.०२ किलोमीटर लांबीचा बोगदा आहे, जो वर्षभर मनालीला लाहौल-स्पिती खोऱ्याशी जोडण्यात महत्त्वाची भूमिका बजावेल. समुद्रसपाटीपासून ३,००० मीटर (१०,००० फूट) उंचीवर हिमालयातील पीर पंजाल रांगेत आधुनिक तंत्रज्ञानाने हा बोगदा बांधण्यात आला आहे. बोगद्याच्या आतील सुरक्षेकडेही विशेष लक्ष देण्यात आले आहे. सुमारे १०.५ मीटर रुंद आणि ५.५२ मीटर उंच आहे. ३ ऑक्टोबर २०२० रोजी पंतप्रधान मोदी यांच्या हस्ते त्याचे उद्घाटन करण्यात आले. देशातील अशा प्रकारचा हा पहिला बोगदा आहे ज्यात मुख्य बोगद्याच्या आत बचाव बोगदा बांधण्यात आला आहे. जगातील सर्वात लांब अटल बोगद्याला अधिकृतपणे वर्ल्ड बुक ऑफ रेकॉर्ड्सने ‘१० हजार फूट वरील जगातील सर्वात लांब महामार्ग बोगदा ‘ म्हणून प्रमाणित केले आहे.

मेरा देश बदल रहा है, आगे बढ़ रहा है! pic.twitter.com/LgwnK4Rv4Y

— Sambit Patra (Modi Ka Parivar) (@sambitswaraj) March 15, 2023

‘चिनाब रेल आर्च ब्रिज’ हा जगातील सर्वात उंच पूल –

चिनाब रेल्वे पूल हा कमान पुलाच्या श्रेणीतील जगातील सर्वात उंच रेल्वे पूल आहे. चिनाब नदीवरील रेल्वे पूल ३ किमी लांब आणि १ हजर १७८ मीटर उंच आहे. जम्मू-काश्मीरच्या दोन भागांना जोडणाऱ्या या पुलाचा एक भाग रियासीमध्ये आहे आणि दुसरा भाग बक्कल, उधमपूरमध्ये आहे. हा पूल पॅरिसमधील आयफेल टॉवरपेक्षा ३५ मीटर उंच आहे. चिनाब रेल्वे पूल नदीपात्रापासून ३५९ मीटर उंच आहे. ढगांच्या वर आणि उंच पर्वतांमध्ये भव्यपणे उभा असलेला हा पूल ताशी २६० किलोमीटर वेगाने वाहणाऱ्या वाऱ्याशीही स्पर्धा करू शकतो. हा पूल अशाप्रकारे बांधण्यात आला आहे की, रिश्टर स्केलवर ८ रिश्टर स्केलचा भूकंप झाला तरी याला काहीही होणार नाही.

ओंकारेश्वर धरणावर जगातील सर्वात मोठा तरंगता सौर ऊर्जा प्रकल्प –

जगातील सर्वात मोठा तरंगणारा सौरऊर्जा प्रकल्प मध्य प्रदेशात बांधला जात आहे. ओंकारेश्वर धरणावर हा तरंगता सौरऊर्जा प्रकल्प उभारला जात आहे. जगात आतापर्यंत फक्त १० तरंगते वीज प्रकल्प आहेत. ओंकारेश्वर हा जगातील सर्वात मोठा फ्लोटिंग सोलर प्लांट आहे, त्याचे सर्वात मोठे वैशिष्ट्य म्हणजे ते बनवताना कोणतेही विस्थापन होणार नाही. ओंकारेश्वर फ्लोटिंग सोलर पॉवर प्लांटचा हा प्रकल्प ६०० मेगावॅट क्षमतेचा असेल. पहिल्या टप्प्यात २७८ मेगावॅटचा प्रकल्प आहे. हा प्रकल्प दोन टप्प्यात बांधण्यात येत आहे. या वीज प्रकल्पातून १२ लाख मेट्रिक टन कार्बन डायऑक्साइडचे उत्सर्जन रोखले जाणार आहे.