India V/s China : अमेरिकन खासदार कॉर्निन म्हणाले – चीन भारतासोबत ‘सीमा युद्ध’ करत आहे

By, Vishal Joshi - November 17, 2021 01:00:28

0

अमेरिकेच्या एका खासदाराने म्हटले की, चीन भारतासोबत ‘सीमा युद्ध’ करत आहे, तसेच त्याच्या शेजाऱ्यांना गंभीर धोका निर्माण करत आहे. रिपब्लिकन पक्षाचे खासदार जॉन कॉर्निन यांनी आपल्या भारत आणि आग्नेय आशियाच्या दौऱ्याचा तपशील अमेरिकी संसदेसमोर शेअर केला. india china border dispute american mp cornyn said china is waging a border war

वृत्तसंस्था

नवी दिल्ली : अमेरिकेच्या एका खासदाराने म्हटले की, चीन भारतासोबत ‘सीमा युद्ध’ करत आहे, तसेच त्याच्या शेजाऱ्यांना गंभीर धोका निर्माण करत आहे. रिपब्लिकन पक्षाचे खासदार जॉन कॉर्निन यांनी आपल्या भारत आणि आग्नेय आशियाच्या दौऱ्याचा तपशील अमेरिकी संसदेसमोर शेअर केला.

त्या प्रदेशातील देशांसमोरील आव्हानांची योग्य माहिती गोळा करणे हा या भेटीचा उद्देश होता. संसदपटू जॉन कॉर्निन आणि त्यांच्या सहायकांनी चीनने उभ्या केलेल्या आव्हानांचे प्रत्यक्ष दर्शन घेण्यासाठी भारत आणि आग्नेय आशियाला भेट दिली आणि ते नुकतेच सहलीवरून परतले. कॉर्निन हे ‘इंडिया कॉकस’चे सह-अध्यक्षदेखील आहेत.

जागतिक महासत्ता अमेरिका व चीनच्या अध्यक्षांची तब्बल तीन तास चर्चा

कॉर्निन यांनी मंगळवारी खासदारांना सांगितले, “सर्वात मोठा आणि सर्वात गंभीर धोका चीनच्या सीमेजवळ असलेल्या देशांना आहे.” या आठवड्यात मला काँग्रेसच्या शिष्टमंडळाच्या दक्षिणपूर्व आशिया दौऱ्याचे नेतृत्व करण्याची संधी मिळाली. चीन आंतरराष्ट्रीय जलक्षेत्रात नेव्हिगेशनच्या स्वातंत्र्याला धोका देत आहे, तसेच त्याच्या लोकांच्या, विशेषत: उइगरांच्या अल्पसंख्याक मुस्लिम समुदायाच्या मानवी हक्कांच्या गंभीर उल्लंघनासाठी दोषी आहे. तो भारतासोबत सीमेवर युद्ध पुकारत आहे तसेच तैवान म्हणून ओळखल्या जाणाऱ्या चीन गणराज्यावर हल्ला करण्याची धमकी देत आहे.

कॉर्निन म्हणाले की, “चीन आणि इतर सामायिक केलेल्या धोक्यांवर चर्चा करण्यासाठी पंतप्रधान (नरेंद्र) मोदी आणि मंत्रिमंडळाच्या अधिकार्‍यांशी भेटण्यासाठी त्यांनी भारताचा दौरा केला.” या भेटीदरम्यान अमेरिकेच्या खासदाराने सांगितले की, चर्चेचा एक महत्त्वाचा मुद्दा तैवानवर चीनचा हल्ला या संभाव्यतेशी संबंधित होता.