कोरोनाचा संसर्ग आता जंगलातही पोहोचला, चार नक्षलवाद्यांचा मृत्यू

By, Vishal Joshi - June 30, 2021 09:50:45

0

विशेष प्रतिनिधी

हैदराबाद : कोरोनाचा संसर्ग जंगलातही पोचला आहे. जनतेसाठी कर्दनकाळ ठरणाऱ्या नक्षलवाद्यांनाही त्याने घेरले आहे. परिणामी गेल्या १५ दिवसांत चार नक्षलवाद्यांची कोरोनामुळे मृत्यू झाला. Four naxalies killed due to corona

दंडकारण्यातील अन्य ११ नक्षलवादी कोरोनाबाधित आहे. कोरोनाची लागण झालेल्या नक्षलवाद्यांनी आत्मसमर्पण करावे, म्हणजे त्यांच्यावर चांगले उपचार करून त्यांचा जीव वाचविता येईल, असे आवाहन तेलंगणमधील वरंगल, खम्मम आणि आंध्र प्रदेशमधील पूर्व गोदावरी जिल्ह्यातील पोलिस अधिकाऱ्यांनी केले आहे.

छत्तीसगडमध्ये दोन नक्षलवाद्यांचा खात्मा; नारायणपूर जिल्ह्यातील चकमकीत ठार

कोरोनाच्या संसर्गाने नक्षलवादी तेलंगण समितीचा सचिव हरिभूषण व त्याची पत्नी जज्जरला सम्मक्का यांचे निधन झाले. ती शबरी दलमची उपकमांडर होती. दंडकारण्यामधील माड विभागातील इंद्रावती भागातील समितीची सदस्य सिद्दाबाईना भारतक्का ऊर्फ सारक्का आणि संदे गंगय्या या नक्षलवाद्यांचाही कोरोनामुळे मृत्यू झाला. गेल्या आठवड्यात या साथीने निधन झालेला नक्षलवादी पक्षाचा मुख्य नेता कत्ती मोहन राव याची भारतक्का ही पत्नी आहे.