काँग्रेस फक्त आश्वासने देते, पूर्ण करत नाही, ओवैसी म्हणाले- मी कर्नाटकात मुस्लिम मतांचे विभाजन करण्यासाठी आलेलो नाही|Congress only promises, not fulfills, Owaisi said- I have not come to divide Muslim votes in Karnataka

काँग्रेस फक्त आश्वासने देते, पूर्ण करत नाही, ओवैसी म्हणाले- मी कर्नाटकात मुस्लिम मतांचे विभाजन करण्यासाठी आलेलो नाही

प्रतिनिधी

बंगळुरू : AIMIM पक्षाचे प्रमुख असदुद्दीन ओवैसी यांनी मंगळवारी काँग्रेस पक्षाच्या जाहीरनाम्यावर हल्ला चढवला. ते म्हणाले की, काँग्रेस हा सर्वात जुना पक्ष निवडणुकीपूर्वी केवळ आश्वासने देतो, ती पूर्ण करत नाही. बाबरी मशीद पाडल्याच्या वेळीही पक्षाने मशीद पुन्हा बांधण्याचा संकल्प केला होता, पण काय झाले? काहीही नाही.Congress only promises, not fulfills, Owaisi said- I have not come to divide Muslim votes in Karnataka

काँग्रेसने आपल्याबाबत केलेला दावाही ओवैसींनी फेटाळून लावला. ते म्हणाले की, कर्नाटकात मुस्लिम मतांचे विभाजन करण्यासाठी भाजपने मला पाठवले असल्याचा काँग्रेसचा दावा आहे. हे सर्व खोटे आहे. संपूर्ण कर्नाटकात आम्ही दोनच जागांवर निवडणूक लढवत आहोत. त्यांनी काँग्रेससाठी एक म्हण उद्धृत केली – नाचता येईना आंगण वाकडे.

मुंबईतल्या वज्रमूठ सभेत मुस्लिम मावळ्याची हवा; मुख्यमंत्रीपदी उद्धव ठाकरे “फिक्स”!!; काढली राष्ट्रवादीची “हवा”!!

कर्नाटक निवडणुकीसाठी काँग्रेसचा जाहीरनामा

कर्नाटक विधानसभेसाठी काँग्रेसने मंगळवारी आपला जाहीरनामा प्रसिद्ध केला. यामध्ये काँग्रेसने सरकार स्थापन झाल्यास बजरंग दलसारख्या संघटनांवर बंदी घालण्याचे आश्वासन दिले आहे. पक्षाने प्रत्येक कुटुंबाला 200 युनिट मोफत वीज, कुटुंबातील प्रत्येक महिला प्रमुखाला दरमहा 2 हजार रुपये देण्याची घोषणा केली आहे. तरुण मतदारांना आकर्षित करण्यासाठीही पक्षाने घोषणा केल्या आहेत. त्याअंतर्गत बेरोजगार पदवीधरांना दरमहा 3 हजार रुपये आणि पदविकाधारकांना दोन वर्षांसाठी 1500 रुपये प्रति महिना देण्याची घोषणा करण्यात आली आहे. याशिवाय महिलांना राज्य सरकारी बसमध्ये मोफत प्रवास करण्याचे आश्वासनही देण्यात आले आहे.