ड्रॅगनची पुन्हा कुरापत : चीनचा नेपाळच्या हुमला जिल्ह्यावर ताबा, संपूर्ण परिसराला कुंपण घालून स्थानिकांनाही येण्यापासून रोखले

By, Vishal Joshi - October 24, 2021 11:10:16

0

नेपाळच्या हुमला जिल्ह्यात चीनने आपली उपस्थिती दर्शवण्यासाठी तारा आणि कुंपण घातले आहे. नेपाळच्या गृह मंत्रालयाने स्थापन केलेल्या अभ्यास समितीच्या अहवालात ही माहिती देण्यात आली आहे. स्थानिक न्यूज वेबसाइट काठमांडू पोस्टने गृह मंत्रालयाचा हवाला देत हुमला येथील नेपाळ चीन सीमेवर अनेक समस्या असल्याचे वृत्त दिले आहे. पॅनेलचे नेतृत्व करणारे सहसचिव जय नारायण यांनी सप्टेंबरमध्ये क्षेत्र अभ्यास केल्यानंतर गृहमंत्री बाळकृष्ण खंड यांना या विषयावर अहवाल सादर केला. China put fence in nepal territory humla district, reports study panel of nepal home ministry

वृत्तसंस्था

काठमांडू : नेपाळच्या हुमला जिल्ह्यात चीनने आपली उपस्थिती दर्शवण्यासाठी तारा आणि कुंपण घातले आहे. नेपाळच्या गृह मंत्रालयाने स्थापन केलेल्या अभ्यास समितीच्या अहवालात ही माहिती देण्यात आली आहे. स्थानिक न्यूज वेबसाइट काठमांडू पोस्टने गृह मंत्रालयाचा हवाला देत हुमला येथील नेपाळ चीन सीमेवर अनेक समस्या असल्याचे वृत्त दिले आहे. पॅनेलचे नेतृत्व करणारे सहसचिव जय नारायण यांनी सप्टेंबरमध्ये क्षेत्र अभ्यास केल्यानंतर गृहमंत्री बाळकृष्ण खंड यांना या विषयावर अहवाल सादर केला.

अहवालानुसार, हुमल्यातील नेपाळ-चीन सीमेवर स्तंभ क्रमांक 4 ते 13 पर्यंत अनेक समस्या आढळून आल्या आहेत. समितीने आपल्या अहवालात सरकारला काही शिफारशीही केल्या आहेत. अहवालानुसार, यात मर्यादेचे उल्लंघन झाले आहे. ही मर्यादा 1963 मध्ये चीन आणि नेपाळदरम्यान निश्चित करण्यात आली होती. त्यानंतर सीमा चिन्हांकित करण्यासाठी खांब लावले गेले. मात्र या सीमेचे उल्लंघन करून चीनने नेपाळच्या भूभागावर कब्जा केला आहे. तेथे त्यांनी कुंपण घातले आहे.

चीनचे आणखी एक षडयंत्र उघड : धोकादायक रसायने लावलेली खेळणी भारतासह अनेक देशांना पाठवली, अमेरिकेने जप्त केला माल

कालवा आणि रस्ता बांधण्याचीही योजना आहे

काठमांडू पोस्टने म्हटले आहे की, ‘चीनच्या नेपाळी हद्दीत कुंपण उभारल्याचे आढळून आले आहे. नेपाळच्या हद्दीत चीन 145 मीटर कालवा बांधत आहे. त्यांना इथे रस्ताही बांधायचा आहे. माहिती मिळताच नेपाळच्या सशस्त्र पोलीस दलाने त्याला विरोध केला. येथे लावलेले कुंपण हटविण्यात आले. ज्याचा ढिगारा दिसत आहे. चीनने पिलर 6 (1) ला घेराव घातला आहे. जो नेपाळी प्रदेशात येतो. चीनने पिलर 6 (1) आणि पिलर 5 (2) मधील भागात आपले अस्तित्व दाखविण्याचा प्रयत्न केला आहे. नेपाळचे स्थानिक अधिकारी जेव्हा येथे पोहोचले तेव्हा त्यांनी चिनी बाजूने स्तंभ 7 (2) देखील पाहिले नाही.’

चीनकडून सीमा नियमांचे उल्लंघन

यानंतर चीन सीमा नियमांचे उल्लंघन करत असल्याचे आढळून आले. पॅनेलच्या अहवालात असेही म्हटले आहे की, पिलर 5 (2) आणि पिलर 4 दरम्यान, चीन नेपाळमधील लोकांना त्यांची गुरे चरण्यास परवानगी देत नाही. तो लोकांना आपल्या भागात येण्यापासून रोखत आहे. नेपाळ सरकारने हा मुद्दा चिनी दूतावासाच्या माध्यमातून चीन सरकारकडे मांडला आहे. हे प्रकरण सोडवण्यासाठी चर्चेच्या अनेक फेऱ्याही झाल्या. मंगळवारी नेपाळचे परराष्ट्र मंत्री नारायण खडका आणि त्यांचे चिनी समकक्ष वांग यी यांच्यात फोनवर चर्चा झाली. यादरम्यान त्यांनी सीमा वादावरदेखील चर्चा केली आहे.